كيف حالكن بنيااات وحريم خخخخخخخخخخخخخ
بدخل بالموضوع دوغغري عشان ما اطول عليكن
من فيكن زوجها متعود كل سنة يسافر ويا ربعه ؟ انتبهوا مب شغل يعني سياحه وشباب تايلند
تخيلوا بنات نحن معرسين وما كملنا سنه سافر ريلي مع ربعه وانا يالسه فبيت اهلي
والله تصدقون زعلت عليه من يوم خبرني بالسفره وتميت يومين مبوزه وزعلانه لكن ماشي فايده وفالاخير طبعا سافر ورضيت بالامر الواقع
المهم يوم ابغي اروح مكان وانا متعوده اروح مع خواتي وصديقاتي قلتله بسير معاهن دبي وبنغير جو
تخيلن ما طاااااع !
يقولي يلسي فالبيت ولا تطلعين وانتي حامل وتعبانه وووو الخ ..
بصراحه عصبت وايد يعني هو يروح ويسافر ويحوط ويا ربعه والله يعلم وين يسيرون وانا اعرف انه فيها اماكن مب زينه وما قلتله شي .. ولا اسأل وين رحتوا ووين ووين ووين .. المشكله الوسواس لكن اسوي عمري عادي وواثقه انه ما يسوي شي ..
ويوم ابغي اطلع واروح اتمشى وأتسوق وشوف ربيعاتي من زمان ما شفتهن ما خلاني ..
المهم رسلتله مسج قلتله انت اناني تفكر بنفسك وبس ورد علي اونه " انا اخاف عليج وع البيبي
رديت عليه " لو صج تخاف علي وع البيبي جان ما خليتني"
شو رايكن يا معرسات فالموضوع صراحه ؟ شي يبط الجبد
يالله عونكن ابغي مساعده وكيف اتصرف معاه يوم يرجع لانه صج نفسيتي تعبانه + الحمل وايد متعبني
اتريا ردودكن ..
ليش تخبرينه عن الطلعه..نفس هو مارايح يستانس,,انتي بعد اطلعي ومب لازم تخبرينه..
والله يهديه..
الله يهديه ياربي
غاليتي 
أوصيج بإحسان الظـــن
حقج ومب حقه عسب نفسيتــج ما تتعب والشك ما يأثر عليج ^_^
احسني به الظن
وصلي قيام الليل أختي ولو ركعتين بالليل وادعي رب العالمين في ساعات الإستجابـة ربي يهديه ويسخره لــج..
أما بخصوص طلوعـج الغالية ,, فشي طبيعي ان ريلج يخاف عليج ^_^
ويمكــن من النوع الي يغار أو يحاتيج شي طيب منه
غير ان الأولى لو طلعتي يكون معاج محــرم..
فخذي السالفـة بإيجابية
عسب اعصابج ترتاح ^_^
لا تسوين حقه هذا الشي .. شرات ما اقولج سويه لنفســج
انتي قادرة تستانسين سواء طلعتي أو ما طلعتي
فلا تخلين كلامه يكدر عليج ,وحتى إذا قالج لا تطلعين اعزمي ربيعاتــج البيت ^^
وهونيها وتهون
ربي يسخركم لبعض
وانتي عليج السمع والطاعه من دون نقاشات
الله يعينج يالغاليه
وألزم ما عليج رااااااااااااااااحتج وبس
^.^
اكثري من الاستغفار
وقولي هالدعاء
اللهم اطمس على قلب زوجي وسمعه وبصره أن لا يرى من نساء الدنيا غيري
– اللهم سخره لي في سمعه وبصره وقلبه وماله
((اللهم اني استودعك زوجي وسمعه وبصره وفرجه وماله في ودائعك ف حفظه يامن لاتضيع ودائعه
بسويله فلم هندي والله خخخخخخ
الله يكون في عونج انا انزين حامل ومن كم يوم سرت دبي وانا اسوق ويا عيالي والخدامه وتلاقيت ويا ربعي وسرنا القريه عادي مافيها شي حتى سيارتي بطاريتها فضت وتوهقت والله ريلي ماقصر عطاني موتره خخخخ مع انها الحب حوت لازم بس ريلج ها اناني الله يهداه ان شا الله
يلسي وياه وتفاهمو احسن طلعي اللي في قلبج قوليله اصلا انته يوم تمنعني من الطلعه انا اظايج والظيجه مب زينه لاني حامل وبياثر بالنونو وانته كيفك
سايسيه والله يعنيج على سفراته والله ماتخيل نفسي مكانج انا ريلي يوم يطريلي هالسالفه اقوله والله مابزعل يقولي بتتحكمين فيني بس الحمدلله هو من النوع البيتوتي