سفر مع الزوج والجواء رمنسيه

مساء الخير خواتي الغاليات أنا أبا أسافر مع ريلي وانكون مع بعض ومب عارفه شو أخذ معاي ملابس حلوه وشو أسوي أجواء رمنسيه ابا افكار يديده فيدوني الله يجزاكن خير

الله يوفقج ويسعدج الغاليه مع ريلج

اممم على حسب وين بتسافرين .. بخصوص اللبس تقصدين اللي راح تظهرين معاه برع يوم تتمشون ولا بينج و بينه

اذا تبين شي يديد .. اممم هاتي معاج ملابس نيولوك يعني ستايل يديد اذا هو يحب التجديد ومثلا خلج صابغه شعرج وقاصته وهناك فاجئيه هذا اذا شي مجال مايشوف شعرج لين هناك هههه

واصلا بالسفر من وجهة نظري احس ماشي مجال وايد للحركات والافكار لانه اكثر شي اظن راح تظهرون وتتمشون وها بروحه تجديد وشي حلو يغير النفسيه

الواحد وهو هني ممكن يحس ملل ويسوي اجواء

بس هاتي وياج الكاميرا وسوي اخراج وحركات مع ريلج .. وهناك مثلا ممكن تهدينه هديه

او هناك ترتبين له مفاجئه في مكان لو هو اصلا مب مسوي جدول للرحله

خذي بعض الأشياء الي كنتي تلبسينها فشهر العسل عشان تعيدون الذكريات
و طبعاً ملابس جديده مال دلع و هالسوالف
و بالنسبة للأفكار الرومانسية وايد بس ممكن تاخذين شموع صغار و تسوين جو فالغرفة
و يوم بتسيرون هناك اتفقي مع الي فالفندق يرتبولكم الغرفة و يسوولكم أشياء حلوه و تفاجئين ريلج
ممممممممم هذا الي فبالي الحين

و الله يسعدكم و يخليكم لبعض

و مثل ما قالت اختي بنت الشوامخ :
أهم شي لا تنسين النيولوك

مشكورات حبيباتي أنا أبا أسوي نيو لوك لما اظهر معاه بره الفندق يعني أبا أكون غير في كل شئ لبسي وكلامي وحركاتي أبا شئ يديد لأني مليت من الروتين

سيري اشتريلج اثياب يديده حق الطلعه وحاولي تغيرين من ستايل لبسج وقمصان نوم يديده

والسفر وتغير المكان اكبر تغير والفندق نفسه بيرتب كل شي انتي اهتمي فنفسج واستايلج

الله يسعدكم

غيري ستااايلج اشتري ملابس يديده كخشه ودلع ولبسي شيل ملونه لو عادي عندج
وشتريلج جنطه راقيه وعطر يديد تستخدمينه فالفندق بس حق السفر لانكم بعدين كل ما بتشمون هالعطر بتذكرون السفره الحلوة
وتقدرين تشترينله هديه تخشينها فالجنطه وبعدين تعطينها له فالفندق مفاجاه بيستانس