اخواتي الغاليات
حابة ابدا معاكم سلسة من خبراتكم فيما يخص الاطفال
الموضوع وما فية
ان انا عندي بنت بعمر سنه ونص
وحابة اربيها بالطريقه الصحيحة
في كل النواحي
ورغم اني اقرا بعض الكتب بتربيه الاطفال
الا ان التطبيق ماينجح في كل مرة
انا قلت اعرض كل مرة مشكله واجهتني في تربيتها واحاول استفيد
من خبرات الامهات الى لهم اطفال بنفس العمر
او سبق ومر عليها نفس الموقف وكيف قدرت تغير اسلوب الطفل فيه
موضوعي لليوم عناد الطفل في هذي المرحلة
مثال حي
مرة من المرات وانا قاعدة مع العايلة بالصاله قدمت عصير
طلبت بنتي كاس عصير تشربه
رحت وغيرت الكاس لكاس بلاستك علشان ماينكسر منا لو طاح
وقللت الكمية طبعا
البنت ماعجبها الوضع قامت تبكي وتاشر على الكاس الزجاج
عاندت فيها شوي ورفعت قلاصها (البلاستك)
ردت تبكي
كل الاهل قالوا عطيها الى تبا وقعدي معاها
عطيتها ..
ثواني بس قامت فرت القلاص بالارض ويا العصير
وتناظرني وهي زعلانه
قلت خلاص بعطيها واحد ثاني مااعتقد بتستمر بالعناد
قامت خذت الكاس مني وصبت العصير على الارض
والمرة الثالثة خذت الكاس البلاستك وشربت منه
هذا الوضع دايما يمر معاي لما امنعها من شي وارد اعطيها
حتى على الغدا اذا ماخليتها تاكل بروحها وتخرب تفر الصحن من جدامي على الارض
نصايحكم ياامهات
مين عندها فكرة او
خبره كيف اتعامل مع عنادها
كل شي امنعها منه تفرة على الارض
وجزاكم الله الف خير