※//※// سلطـــــــة بحرية &&& و ألذ شوربة فطــــــر بالكريمة ※//※//

السلام عليكم ورحمة الله وبركاته

سبق و نزلت قبل طريقة سلطة بحرية بس كان التصوير فيها رديئ تقريبا
و هالمره حبيت اظيف شغلات عالسلطه وقلت بجرب و كان طعمها احلى

أول شي طبعا ما استغنى عن الجرجيرررررر احبه وايد واظيفه بكل سلطه تقريبا

خس .. حاولوا تخلوون اوراقه كبيره يطلع طعمه احلى وشكل السلطه يشهي اكثر

ربيان .. نغسله ونشل منه الذيل

نغر .. نغسله و ظفت عليه شوي خل علشان ريحته يمكن تخف <<< مادري

اهني الربيان والنغر تقريبا استووا

والنغر باين انه استوا و شكله تغير

بعد ماصفيتهم .. ضفت عليهم شوية زيت زيتون و فلفل اسود و خل .. خلطتهم شوي بروحهم

ظفتهم عالخس والجرجير

والدريسنج لكم حرية الاختيار ممكن تحطون مايونيز مثلا او اي صلصله متوفرة انا خلطت شوي ثاوزند آيلند و شوية رانش

هذا طبقي و ظفت شوية ذرة و طماط مقطع و كان طعمها ولا اروع

نرووووووح للشوررررررررررررربة

هذي المقادير: فطر سواء معلب او حتى البري .. مرق دياي اللي هو ماجي مذوبتنه في ماي حار
قشطه .. ذرة .. كريمة سايله و بصل

اول شي البصل طبعا و عقب نقلي الفطر عالسريع مانخليه يصير غامج وايد

بعد مايستوي الفطر نصب عليه المرق و نخليه ثلاث دقايق او اربع

نضيف عليه الكريمة و عقب دقيقه نضيف القشطة … و عقب نصب الذرة بالاخير لانها لينه اساسا و مطبوخه

وعقب وقت قصير نلاحظها صارت غليظه شوي و نقدمها وهي حااااااااارة و هني وعافيه

والسموحه

يمييييييي يمييييييييييييي لذييييييييييييييييييذ

واااااااااااااااايد حلووو شكلها السلطه .. ياربي شكثر اموووت عالسوالف البحريييييييييييه

والشووربه بعد فنااانه

تسلم ايييييييييييديج عزيييزتي ^^

يمييييييي

حبيت الشوربة……….لأني ماحب الجمبريااااااااات

وعواااااافي