سلمون بالاعشاب ،،، لذيييييد لحد الادمان لول

السلاااام عليكم ،،،

لمحبات السمج ،،، والسلمون خصوصا ،، وصفة بتاكلون اصابعكم وراها لول ،،

هالطريقة تنفع للسلمون ،،، وتنفع للفيليه بعد ،، جربتها بفيليه الهامور وكانت لذييييذة لحد الادمان ،،،
سهلة وسريعه ،، وأهم شي بيخلصوووون الصحن يعني بيخف عليج الغسيل لووول ،،،

المقااااادير :

شرايح سمج سلمون ،، أو فيليه هامور ،،، أو أي شي متوفر عندج لول

التتبيلة:
بشر ليمونه
عصير ليمونه
رشة ملح وفلفل اسود
اوريجانو ( تقريبا ملعقة)
شوي كزبرة مفرومة
فص او فصين ثوم مهروس
زيت زيتون ( ملعقتين تقريبا)

اخلطي مقادير التتبيله ،،، وحطي فيها السمج ,,, وخليها في الثلاجة من نص ساعة الى ساعتين ( حسب وقتج)

الحين جهزي
بصل مقطع شرايح
طماط مقطع شرايح
فصين ثوم ،،، وبعد قطعيه شرايح رقيقة
طحين ( حوالي ملعقة اكل )
وشوي كزبرة ( للزينة )

الطريقة ،،،
حطي البصل عالنااار ،، وحركيه دقايق لين يذبل .. ( وعذرا الصورة مب واااضحة وايد بسبب البخاار )

أضيفي شرايح الطماط والثوم ،،، وحركي الين يذبل الطماط ..

الحين رشي الطحين فوق الطماط ،، وحركي شوي الين يختفي الطحين ..

صبي فوقه حوالي كوب ماي حاار ،، وحركي شوي.. شكله الحين كااارثة ههههههه بس اصبرن بيتعدل

حركي الخليط وخليه يغلي دقايق عالنار ،،، بتصير عندج شرات الصلصة الثجيلة شوي ..

بعدين حطي السمج والتتبيله مالته بعد ..

وأخيرا ،، خليه على نار هادية حوالي ربع ساعه او 20 دقيقة لين يستوي ،،،
وهذي النتيجة النهائية

وصورة أقرب ..