كيفكم خواتي ان شاء الله بخير
قبل يومين متصلة فيني ربيعتي من الامارات ومن ضمن السوالف تقولي عندكم حاليا مهرجان تسوق وتنزيلات وكذا
بس انحرجت اسألها التفاصيل فيا ليت تفيدوني
انا قلت بجي على الويكند ان شاء الله بس حاولت احجز فنادق اغلبها فلللللللللل الي بدبي واذا مو فل فأسعارها فوووووووق يعني فرق عن دايما
بإختصار حجزتلي فندق بالخان يعني بين الشارقة ودبي وانا مو متجهزة ولا ببالي السفرة فما أبي اضغط على ريلي لا يطنش ويلغي الموضوع بالمره
فبغيت أعرف وين المحلات الي مسوية تنزيلات ؟؟؟؟؟؟؟؟؟ وهل التنزيلات تسوى اجي عشانها والا لا
وخاصة محلات ملابس الاطفال شرايكم بتنزيلاتهم
بليز افيدوني سمعت فيه فعاليات وعروض وين تكون هالفعاليات بس بمولات دبي ؟؟؟؟؟ وتنفع لوناسه اليهال
واستفسار ثاني فيه مطاعم حلوة ونظيفة وعائلية بالشارقة والا لا؟؟؟؟؟
حاليا مهرجان دبي للتسوق و في بعض المحلات بعد في الشارجه مسويه تنزيلات ^^
طبعا التنزيلات تسوى وتسوى انج تيين علشانها .. أنا شخصيا ما رحت هالفتره لأنه بنتي بعدها كتكوته عمرها شهر بس بسير على جدام ان شا ءالله .. بس عموما كل المحلات اللي في المولات مسويين تنزيلات .. ودامج بتيين يومين فأنا أنصحج تختصرين على عمرج وتروحي مول دبي لأنه أحلى المحلات فيه و طبعا فيه محلات أطفال بهالهبل و كلها سيل .. وعندج بعد مردف مول …
وعموما كل المولات فيها مطاعم وأماكن خاصه بالألعاب للأطفال والكبار ..
واذا على الشارجه ترى فيها وااااااااااايد مطاعم عائليه وحلوه ونظيفه و يمممممم يم لذيذه بعد ^^
روحي شارع الغبيبه فيه محلات منوعه مثل بيبي شوب و هوم سنتر و سبلاش و أزياء جميل ( رد تاج ) و هوم أر أس و غيره وغيره .. و اذا كملتي سيده بتروحين على شارع امتداده كله مطاعم قوس قزح و الشوكه الذهبيه و وغيرهم .. و عندج ميغامول الشارجه ممكن تروحين له بعد فيه محلات حلوه و ألعاب و مطاعم وغيره ^^
أنصحج تروحين مطعم البوفيه الكبير روووووووووووووعه أكله وفيه كبائن عائليه و سعره معقول جدا .. خذي الرقم من البداله وخل يدلونكم على المكان ^^
وعموما بتحصلون وايد مطاعم وانتوا تمشون في الشارع و أغلب المطاعم فيها كباين عائليه ^^
و رحله سعيده ان شاء الله …
له الملك وله الحمد
وهو على كل شئ قدير ..
ما اعرف شو اقولك
بجد احرجتيني بكرمك وذوقك
شو هالرد الراااااااااااااااائع
بجد مشكووووووووووووووووورة عيوني ما قصرتي
وبالطبع انصحج اتيين دبي والامارات
والتنزيلات والاسواق حلللللللللوة وحياج الله بتنورين الامارات
ما يتفوت
وهناك مسوين سوق في الهواء الطلق
ويوم بتروحين دبي مول لازم تطلعون من البوابه اللي صوب برج خليفه وتشوفون نافورة دبي الشهيره وطبعا تشوفون برج خليفه عن قرب
وطبعا اجواء القرية العالمية حلوة ما تتفوت واذا ناويه تروحينها دخلي مواضيع البنات هنيه في المنتدى عن القريه عشان تسجلين ملاحظاتج وتختصرين على نفسج الوقت والجهد
ومرحبا بج وبتنور الامارات بقدومج عزيزتي