أمس كان موعدي عند الدكتورة خلود إللي في مركز ابن سينا
المهم .. انا الشهر إللي طاف كنت اعاني من نقاط دم استمر عندي
أسبوع كامل قبل الدورة عقبه نزلت الدورة ..
وكنت وايد خايفه .. وعاد أنا من النوع إللي من كثر ماأوسوس أألف
مسلسلات مأساويه ^__^
المهم الدكتورة سوت لي فحص السونار او مااعرف شوه اسمه+ مسحة
عنق الرحم ماقد سويتها من عرست .. قالت لي المفروض كل حرمة متزوجه
تسوي هالفحص كل سنة عسب تطمن ع نفسها من الامراض الخبيثة
لاحظت في الرحم كيس اسود .. قالت لي المفروض هالكيس ينزل ويا الدورة
بس غريبة موجود بس مامنه خوف + جدار الرحم كان سميك
سئلتها ليش يصير جدار الرحم سميك .. ؟؟
قالت فالعادة يوم يستوي جدار الرحم سميك يكون فيه حمل (قالت ان شاء الله)
(أنا استانست .. صح كنت خايفه موت بس فيه بصيص امل)
عقب ظهرت من العيادة وسرت عيادة الروضة لاني مسويه فحوصات والدكتور
قال المفروض اخذ لقاحات التهاب الكبد .. وسئلني حامل ؟؟ قلت له ماأعرف
المهم سولي فحص الحمل ( طلعت النتيجة سلبيه 
تضايجة شوي )
لأني في هالفترة احاول قدر المستطاع أكون متفاءلة ومااخلي اي شيء يضايجبي
أعرف هذربت وايد 
السمووحه منكن حبيبات ألبي ..
السؤال هنيه (ليش جدار الرحم سميك أو شوه السبب غير الحمل؟؟)
انا كان يصير لي تكيسات والتكيسات تلعب دور فالحمل اما عن جدار الرحم السميك فالسموحه ماعندي فكره
الفولك است ايسرع فالحمل … شاوري دكتورتج وخذيه .. وان شالله نسمع انج حامل جريب يارب
المشاركة الأصلية كتبت بواسطة Bambino Moda 
انا كان يصير لي تكيسات والتكيسات تلعب دور فالحمل اما عن جدار الرحم السميك فالسموحه ماعندي فكره
الفولك است ايسرع فالحمل … شاوري دكتورتج وخذيه .. وان شالله نسمع انج حامل جريب يارب
الفولك أست صار لي 3 شهور أستخدمه ..
الله يسمع منج غناتي .. ويرزقنا اجمعين بالذرية الصالحة يارب
تفاءلي وكل شي بتقدير الله فيه خير بس العبد يرضى
الله يسمع منكن ويرزقني ويرزقكن كل خير