شحالكم بناااااااااات ،، حريم،، بنوتات،، آنسااااااااات
انا بصراحة ما اكتب دوم ف المنتدى،، بس من الضيقة قلت بكتب لكم هالمشكلة،، منها آخذ رايكم
ومنها يمكن صاحبة الشأن أو حد من أهلها يقرا الموضوع ويتفهم موقفنا ويعذرنا…
هذي الله يسلمكم،، قصة ولد خالتي،، امه( خالتي) صار لها تقريبا سنة وكمن شهر وهي اتدور على
عروووووووس (مواصفاتها عادية لا تخافو) المهم تكون مناسبة لعايلتهم و ولدهم..
وبعد عمليات التحري والبحث،، ومشاركة كل القبيلة والاهل والجيران وزيارة مليون بيت بسبب وبدون
سبب بس عشان تشوووووف بناتهم،،،
كان القدر انها تشوف بنوتة حبوبة خلصت الثانوية لا اشتغلت ولا درست ولا دخلت اي كورس او حتى
تعلمت السواقة ،، خالتي تعرف أهل البنت من زماااااااااان ،، واستانست لما شافتهم
ٌورحنا معاها خطبنا البنية،، وساروا العرب وكلمو أهلها،، وصارت النظرة الشرعية،،
سبحان الله كل شي مر بسرعة والكل كان مستانس،، بعدها بكم اسبوع يابو المليج و زوجهم
صارت كمن مشكلة بسيطة بس عدى الموضوع على خييير،، ولكن خالتي من يومها
تقول قلبي ثجييييييييل مادري ليش مب مرتاحة لهناس،، مع ان هي الي اختارت العروس
الا انها تحس بثقل وبضييييق وكله تحلم انهم مب اوكي،، طبعا المعرس مرتاح ومب قادر يفهم وجهة
نظر امه ولا حتى نحن،، كان قرار خالتي انه : يطلقها ،، وتعتذر بأنه ماشي نصيب
ويمكن الله كاتب لهم الخير جدااااام،، الكل استغرب وانصدم بما فيهم المعرس
وباءت محاولات الطرفين في اقناع الأم،، وانا قلبي يعورني على الاثنين الي ماصار لهم كم يوم
وفجأة بيطلقو،،الولد حز بخاطري لانه كان وايد مستانس وخبر ربعه في الدوام ،،والبنت لان كل احلامها
انهارت فجأة وصارت مطلقة بدون سبب والكل رح يقول العيب منها..
أسأل الله أن يخلفهم في مصيبتهم خيرا منها،،
بس انتو شو شعوركم لو انحطيتو في هالموقف؟؟
وكيف بتقنعون الأم؟؟
اتريا اجاباتكم
والله يوفج الجميع
اسمحيلي على اللي بقوله بس شو هذا الام مرتاحة او مب مرتاحة
المهم ان الريال مرتاح ومستانس
انتو جي ظلمتوا البنية دامكم ما شفتو شي عليها ليش خليتو يطلقها لا وبهذي السرعة
بس الحين صار اللي صار
وانشاءالله البنت بتحصل اللي احسن من هذا الانسان
وانشاءالله …..الله يقدر لولد خالتج ويحصل البنت اللي ما دري شو يبون منها بالضبط
اسمحيلي بس والله هالبنية عورت قلبي حليلها
والله شو نقوول غير الله يهديها امه ويسعدهم يا رب
شو هاي بعد طلقها..الصراحه اسمحيلي اقولج مش بس خالتج الغلطانه حتى الولد وانتوا وكل اللي حوالينكم غلطانين…في مليووووووون طريقه كنتوا تقدرووون تقنعون خالتج.. ماكان المفروض ترضووون بالطلااااق بهالسهوله..عنبوووووه مافكرتوا ف البنيه..مافكرتوا انكم بتظلمونها…وبالفعل ترااااكم ظلمتوها…والله حرااااااااااااااااااام شو ذنبها هالبنت …والذنب الكبير ع الولد بعد… ليش يسمع كلام امه وعلى طول راح طلقها…عنده 100 حل وحل يقدر يقنع امه…
وان شاء الله… ربنا بيعوض البنيه باللي فيه الخيييير…اسمحيلي الغاليه ع كلامي بس صدق البنت عورت قلبي…احسها انظلمت…والله يهدي اليميع…
مشكورين خواتي ع الردود ،، وانا معاكم في كل كلمة بس شو نسوي
الاسبوع الي طاف هو بس ملج عليها،،ومفروض الحفلة تكون آخر الشهر
بس من هالاسبوع خالتي صممت انه يطلقها،،ونحن مب عارفين كيف نقنعها
الولد يقول مابي ازعل امي،، بس البنت مالها سبب
وخالتي تقول: الحياة قسمة ونصيب،،ويمكن الله كاتب لهم الخير قدام،، وهم مب اول ناس يطلقو
الله ييسر الأمور،،وأنا أقول لو هالزواج الله كاتب له يستمر بيتسمر حتى لو الأم رافضة
بس كيف نقنعها؟؟ ولو انتو مكان الشاب أو البنت شو بيكون موقفكم؟؟
اتريا مشاركات باقي البنات