سندوتشات دجاج لذيذه !!!

نجي لطبختـنا النهاارده … <== مصدقه انها شيف ..

ساندوتشات اقل مايقال عنها ,, رااااااااائعه ,,

حلووووه وتهبل وتجنن ولذييييييييييييييييييذه مررررررره

الصراحه اخذت طريقتها من وحده من منتدى نسائي عالم حواء
وسويتها ولله الحمد اعجبوا فيها وماراح التعب هاها

مالكم بالطويله ,, الصـور في المرفقات ,,

* المقـادير *

1/ مقادير عجينة الخبز ..؟!

3ونص ك دقيق
1م ص باكنج بودر
1م ص خميرة
3م ك حليب بودرة
ربع ك زيت
رشة ملح 1
كاسة ونص ماء

2/ الحشوة:

دجاج مقطع شرائح طويلة
بصل – وفلفل ملون – مقطع شرائح طويله

3/ نقيع الدجاج :فصوص ثوم مدقوق
عصير ليمون
1م ك صلصة صويا
2م ك كتشب
2م ك زيت
ربع م ص فلفل اسود ومثلها كمون وكزبرة مطحونة وقرفة
2م ص ملح

* الـطريقه *

1/ طريقة عمل الحشوة :
أاول شي نقطع الدجاج ,,بعدها تخلط كل مقادير نقيع الدجاج مع بعض ونتبل فيها الدجاج لمدة ساعه على الأقل ,,

بعد مايتبل الدجاج ,,
نكشن البصل مع شوية زيت ,,

نتركه لين يذبل ,, وبعدها نضيف الدجاج مع الخلطه حقته ,, كلها سوووا ,,
ونتركه لييييييييييين ينشف وينضج الدجاج طبعا ماياخذ وقت كثير ,,
احلى شي بالدجاج بسرعه يستووي ,,
وبعد مايستوووي ,, لاتفوووووووتكم الريحه بس ,,

نحط { الفلفل الملووون على الدجاج ,,
نسيت اقولكم بالطبخه نهاااائيا ماتزيدون اي بهارات عليها ,,
لانه كل شي موجود بالخلطه ,,

اتركوووو الخضار ليييييييييييين تذبل وتستوووي زين ,,
وطفوا عنها ,,
//
//

2/ طريقة عمل العجينه :

نخلط مقادير العجينه ,, ونعجنها عدل لين تصير ماتلزق باليد ,,
نغطيها ونخليها يمكن نص ساعه لين تخمر وتصير لييييييينه مره ومنتفشه
اصلا يطلع شكلها بدنن ,,

الحين نكورهم ,,
ونبدا نجيب سطح مستووي ونفردها ,,
واحتسبي الأجر في هذي النقطه

ماتخلصين منها الا كتووفك منهده حيلها ,,
وبعدها نحطها بصاج حاااااااار وبسرعه تلاحظين انه بدا ينتفخ
واحلى مافيه ماياخذ وقت بسرعه يستووي ,,
المهم تجمعين كل الخبز بكيس كبير وتغطينهم عشان ماينشفوووون لازم تحطونها بكيس
بكذا خلصنا من الخبز ,,

//

جينـا للخطوه اللي تونس الصراحه ,,

نحشي الخبز بالدجاج ونرش عليه شووية { جبنة كرافت تشيدر ,,

نلفه مثل الساندووش ,,
ونرصه بصينيه وندخله الفرن شووووي بس وخليك واقفه جنب الفرن ,,
بس عشان تسيح الجبنه وعشان يتحمر الخبز شوووي بس وطلعيه ,,

صورته ,, بعد التقديم في المرفقات ,,

تسلم الايادي
يعطيج العافيه

مشكوره, الله يعافيك.

تسلم ايديج

تستاهل انه حد يجربها اموت فسندويجات الدياي

عجبتني طريقتج لما قطعتي الخبز لانصاف روووووووووووعه انشالله بنجربها ؟؟؟؟