سندويجات فيليه لذيذة

اممم … بحطلكم اليوم موضوع من مواضيعي الجديمة اللي كنت اطرشها عالقروبات..

بطلب وحده من الخوات .. وعشان نفيد ونستفيد..

واتمنى انها تعيبكم..

وهو عبارة عن سندويجات تشكن فيليه

:الطريقة:

-تشترين صدور دياي الجاهزة للي بس يباله قلي او تسوين مثل الطريقة اللي كتبتها تحت-

– تغسلين صدور الدياي ..

– اتسوين خلطة عباره عن ( حليب + بيض + خل ابيض + فلفل اسود وابيض وملح ) لاتكثرين من الخل عشان مايكون حامض وايد … والببض بعد عشان مايطلع طعم بيض …والكمية تحددينها على حسب قطع الدياي

– اتغمسين الدياي في الخلطه واتخلينها في الثلاجة ساعه عشان الخلطة تثبت في الدياي

-بعد ماتظهرين الدياي من الثلاجة تحطين في خلطة متكونه من طحين ونشا وبكنج بودر … وتقلينها

– خلصنا من الدياي… الحين بنسوي السندويجات ( يفضل تسوينها في هالصمون … يطلع الذ من الباقين ) شوفي الصور وبتعرفين شو اقصد

اول شي تدهنين السندويجه بالمايونيز من الطرفين بس لا تكثرين الا اذا تحبين وايد مايونيز

وبعد ماتدهنين تحطين خس وفوق الخس الفليه وفوقهم الجبن… بهالتريب مثل الصورة

واذا تبين الجبن يسيح سويها السندويجة اول ما تخلصين قلي الدياي

او اتسوين كل السندويجات وتكونين فاتحه الفرن من فوق ومن تحت ولما تخلصين من السندويجات
ادخلين السندويجات واطفين النار… واتريي شوي…يعني قولي سبحان الله والحمدلله والله اكبر 33 مره
وعقب فتحي وشوفي اذا ذاب ولا لا وعطيهم على طول ياكلونها

وهاي كم صوره سريعه

اتمنى انها عيبتكم …جربوها لذييذه وكانها من الكفتريا واحلى وانظف…

لاتنسونا من دعواتكم

فمان الله