سواد تحت العيون مين عندها حل ؟؟

السلام عليكم
خواتي حبيت أسألكن منو عندها حل للسواد تحت العين أريد. حل جزاكم الله كل خير يارب

اذا حصلتي الحل بليز خبريني

بس بعد بخبرج تجارب اللي حولي
ابرة الاكسجين ربيعتي سوتها مره وحده وما شافت نتيجة
وانا مره شفته بالقناة اللبنانية كانت تسويه الاكسجين للحرمة
بس قالت الخبيرة عسب تشوفون نتيجة حلوة لازم تسوون تقشير للمنطقة
وان في تقشير امن لهالمنطقة

انا سرت عند دكتورتي وقلتلها اريد اقشر
قالتلي الحين صعب بفصل الصيف بنتريا لين الشتا

زميلتي بالدوام سارت بوشريعة
وقالت ان نسية كبيرة من السواد خاز
تقول انها بالبداية الدكتورة شافت اذا السالفة عندها وراثية ام مكتسية
واذا وراثي بيكون اصعب بتلقي العلاج
وعقب جنه حقنتلها المكان بماده او شي جي

تسلمين ع المعلومات يزاج الله كل خير يختي الواحد يحتار شو يسوي يخاف يجازف بأشياء يندم عليها خصوصا المنطقة اللي تحت العين وايد حساسه

حبيبتي ما يباله شي تنامين من وقت وترقدين ٨ ساعات اقل شي وًتشربين الماي اقل شي لتر و نصف في اليوم

ما خص يا اختي
مرات يكون وراثي
وشو ما سويتي عسب يخوز مافي فايده
ما حد بيفهم هالشي الا اللي يعاني منه

اهم شي مايكون عندج فقر دم وفي منه وراثه
بالنسبه حق أبره الأكسجين تنفع حق الي يكون سواد طبيعي مب وراثي

الله يعينج