سوالف الحريم الي مرن بتجربة اجهاض وتمن فترة ما حملن()

السلام عليكم
لكل وحده مرت بتجربة اجهاض اتقولنا شو السبب وهل حملت مره ثانية ولا لا؟
وشو شعورج يوم حملتي؟وشعور ريلج؟؟ وشو شعوركم بعد الاجهاض؟؟
وشو النصايح الي تنصحون فيهااا عشان ما يتكرر هالشي

انا عن نفسي حملت بعد شهرين من زواجي والسبب مجهول مع اني ما كنت اتحرك وااايد وكنت محاسبة ع عمري وع فكرة وكان حملي وايد زين كملت تقريبا شهر وبعد الشهر خبرت اهلي وربيعاتي اني حامل وطبعا الكل خبرالي يسوا ولي ما يسوا وما كملت الى يو م ونزلت الدورة وسقطت انا ما بقول الحسد بس الحسد مذكور فالقران ولابد منه بعد محد يعرف يمكن لاني في بداية زواجي ورحمي توه ما يقدر ع الحمل او ظهري ما يساعد الله اعلم عالعموم الدكتورة فحصتني وقالت لي ما فيش شي .
وشعوري اول ما حملت انا وزوجي كنا منصدمين والله صدمة وما كنت متوقعة اني حامل وفرحناا واايد وبدينا انزهب القماط قبل ما يي الياهل يعني اخترنا اسامي وشي من هالقبيل بس الله ما كتب الحمد الله على كل حال عسى ان تحبوا شيئا وهو شر لكم وبعد الاجهاض صحت صياح اليهد وحسيت باحساس الامومة مع انه في الشهر الاول ما حزنت ع عمري حزنت عالجنين لاني حبيته وااايد اما زوجي عكسي قالي قدر الله وشاء فعل وبعد لاحقين عاليهال .
المهم نصايحي لكم انكم في بدايت حملكم ما تخبرون الا الاقربون موب اي حد لانكم ما تعرفون بقلوب الناس وثاني شي تاخذون ابرة تثبيت موب حبوب ابرة لان حميتي مرت بهالتجربه مرتين والحمد الله الحين حامل وثبت الله حملها وما تاكلون الاناناس والكيوي والقرفة والحبة الحمرا لانهم يساعدون على نزول الدم والراحة التامة
والحين انا كملت تقريبا4 شهور تقريبا ما حملت الحمد الله على كل حال وعاد هالمرة نفسيتي سيئ كلش وصدقوني قبل لا اتي موعد الدورة باسبوع اشعر بلوعة وان بطني منتفخ وخز فالبطن وضهري يعورني نفس عوارض الحمل بس للاسف ما اكون حامل احس من النفسية

عالعموم اذا برمس راح اخلص كتاب ههههههه
اترك لكم المجال عشان تقولولي تجاربكم

اللهم لا تذرني فردا وانت خير الوارثين
اللهم ارزقني وارزق كل محرومة بالذرية الصالحة اميييييييييييييييين

انا نفس الشي وسبب الاجهاض قالوا لي هرمون الحمل ضعيف

وصار لي 3 سنوات امعرسه واخر مره عقيت فيها من 10 شهور ولح الحين ما صار نصيب

كان حمل طبيعي ولا خذيت كلوميد؟
عالعموم ان شاء الله يرزقج ويرزقني ويرزق كل محرومة بالذرية الصالحة

انا حملت بعد كم سنه من زواجي واجهضت ف الشهر الاول السبب مجهول ولين الحين ماحملت صارلي 5 شهور

اللهم عجل حملي ولا تاخره امييييييييييييين يارب

اميييييييييييين يارب العالمين
اللهم ارزقها وارزقني وارزق كل محرومة من الذرية الصالحة
اميييين

انا عندي بنت وحده وحملت بعد ماكملت بنتي سنه وتسع شهور بس عقيت بعد ماحملت بشهر ونص والين الحين ماحملت من خمس شهور عاقه واتمنى اني احمل وايب اخت او اخو لبنتي يحليلها.

وسبب الاسقاط غير معروف..

اللهم لا تجعلني فردا وانته خير الوارثين..
اللهم ارزق كل محروم يا رب..ويثبت حمل كل حد..