السلام عليكم…بس حبيت اخبركم بالمفاجأة الي سويتها حق ريلي يوم ميلاده..السنه الي طافت طرشت باقة ورد للدوام بس ما وصله للمكتب لانه كان برع الدوام واستلمه وحطه بالسياره ومحد شافه..بس هالسنه غيررر..طلبت طلبيه من مستر بيكر كيكه حمرا على شكل قلب مع باقة ورد واتفقت وياهم اطرشونه للدوام ..المهم جهزت الطلبيه في اليوم الثاني واتصلو فيني قلتلهم ان ريلي بالطابق الرابع بس ما اعرف المكان بالضبط عطيتهم اسمه بالكامل وقلت اسالو وين مكانه بالضبط عاد تخيلو الطابق الرابع في وايد مكاتب والمسكين يدور بالكيكه والباقه الحمراء لين وصل المكتب وسال عن الاسم وريلي انصدم الكل طالع في ويه رلي شو سالفة الكيك والباقه ترى ويا ريلي شباب في نفس المكان ..ويه ريلي استوى طماط واحليله والشباب يضحكون وكلو من الكيك ويعلقون عليه لين اليوم ..اتصل ريلي وقال شو هااااااي المفاجاة الي ما راح انساها بس براويج بردها فيج ..قال احرجتيني ومب اعرف شو اسوي والشباب يضحكون والي يقله اكيد من وحده حبيبتك مب زوجتك ..المهم استوى مواقف وضحك ويوم رد البيت مسكني ….وافهمو الباقي ههههههه المهم ادعولي الله يحفظنا وما يحرمني من زوجي الغالي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله يهنييج ويسعدكم ان شاء الله وعسى ايامك اليايه كلها افرااح
حلوه حركتج حبيتها
بس يالييت لو ما حطيتي الجمله الاخيره .. يعني مراعاة للعزابيه هنيه والمطلقات واللي عندهم مشاكل مع ريايلهم
والله يهنييج مره ثانييه
ربي يهينيج ويرزق كل محرووومه يارب
بالبركةمسكني وافهموا الباجي ؟؟؟
شو اللي تبينا نفهمه !! وين الصالحات القانتات
الحافظات للغيب الصراحه حريم اليوم ماعادن
حريم وضاع الحيا
عموما اذا تبين الله يحفظه ويبارك فيه
مش بدعاءنا بيكون بتودير البدع و تطبيق السنن
وانتي اللي افهميها
يعني مراعاة للعزابيه هنيه والمطلقات واللي عندهم مشاكل مع ريايلهم والله يهنييج مره ثانييه !!!!!!!!!!
استحن ترى الحياء من الايمان والله يوفقج ويا ابو الشباب!!!!!!!!
استحن ترى الحياء من الايمان والله يوفقج ويا ابو الشباب!!!!!!!!
ودي افهم اش دخل السالفه في المحرومات و المطلقات و الخربطان و الخ و الخ عنبووو
كل ماا يت وحده تكتب انهديتووو عليهن شو هاااا ..
يااااخي مفاجاه و قالتها ادعو لها بدال هل الكلام و تجريح اللي ماله داعي ..
اللي عندها مشكله لا تفتح الموضوع احسن لها
الله يسعدج خيتي ان شاء الله و الله يخليكمـ لبعض يارب
و استمري في المفاجات ترى الريال يحب هسوالف و بتوفيــٌق 