كل عام وانتوا بخير مقدما
العنوان واضح يالله الكل يشارك عشان نفيد بعض
احنا غالبا نسوي وجبة دسمة ووياها خفايف لأنه محد يصوم الا انا وريلي والشغالة
الوجبة طبعا عيش أو معكرونة بالبشميل
والخفايف سمبوسة جبن أو جبن وخضار أو رولات الجبن أو مرات أسوي كفتة تونة أو سندويجات دجاج بالمايونيز ووووووووو
طبعا الكرمي كراميل والكستر والجلي والكيك بين فترة وفترة
خبروني عنكم وخاصة اللي يسونن كفتات نبا طرق حلوة ومعتمدة عندكم عشان نجربها من ألحين
نبقي نجدد
والعشا عيوش منوعه
ايقول اعنبوكم الناس تتفنن في ارمضان وانتوا العكس تتفننون في الاشهر الثانية وارمضان لآ
اقولهم الصراحه ما نقدر نخربط في الاكل وورانا صوم وصلاة وعباده
نسوي الاكلات اللي نسويها دايما والحلويات بعد انسويها طول السنه حتى القيمات والثريد والهريس والسمبوسه وكل اللي يسسوى غالبا في ارمضان انسويهم طول السنة يعني ما عندنا شيء خاااااااااص في ارمضان
اليديد انا نكثر عباده على اللي الله ايقدرنا عليه
عموما
مثل ما ذكرتي يوميا نوع حلو وما نكثر يعني ع القد علشان ايخلص ونسوي غيره ثاني يوم
جيلي وكستر وكريم كاراميل وقيمات شبه يومي واحيانا كل وحده فينا تتفنن بطبق حلو ثاني مثلا الطبقات
المقبلات كل يوم نوع واحد او نوعين
لان الحمدلله اللي في البيت ياكلون كل شيء لحم ودياي وجبن وخضره
سمبوسة يا دياي / لحم/ خضره/جبن
باكوره هندية سواء بالخضره ولا بالبصل ولا سااااده
فطاير
سبرينع رول /
الوجبة الرئيسيه
وبعد نوع ثجيل ولا نوعين خفاف يعني ما نكثر ولا انخربط
مجبوس
برياني
عيش وصالونه
عيش ولحم/ دياي
معكرونه
ثريد/فريد
اتصدقون الشوربه هب اساسيه عندنا الاساسي اللبن والروب
بس انسوي شوربه بس هب كل يوم يعني انبرد ونسلك باللبن والروب انسويه مثل اللبن بعد
لذييييييييييذ
اممممممممم اشو بعد هاللي ايحظرني الحينه
والله ايعودنا على ارمضان كل سنه ويعينا على صيامه وقيامه اللهم آمين
احنا بعد ولله الحمد نسوي أقل شي في رمضان…
ومعودين نفسنا والأهل على الفطور: دسم (وجبة الغداء في الوقت الحالي): يعني مثلا برياني دياي وسلطة وشوربة ولبن وتمر/ أو سمج مشوي وعيش وسلطة ولبن وتمر
بعد التراويح الفالة: ثلاث أصناف كحد أقصى وإن وصلنا شي من بيت اليران بعد نقلل أكلنا فيصير صنفين
وأهم شي سلطة الفواكه + كريم كراميل+ خلية نحل
أو : سلطة فواكه_ باكورة_وقرص مفتت
أو: حلو القبة+ سلطة الفواكه + بيتزا
بما اني بس انا و ريلي نصوم في البيت ف هو مسوي قانون خخخخخخخخخخخ
شوربة و سلطة و نوع مقبلات و ساعات اخون و اسوي نوعين و نوع طبق رئيسي بالاضافة للفيمتو او العصير و الرطب او التمر و عقب الاكل شاي اخضر و نوع واحد سويت
شورباتي
حريرة
شوربة بطاطا و ليك
شوربة طماطم و معكرونة
شوربة حب هريش باللحم
شوربة ذرة و دياي
شوربة سبانخ و ذرة
شوربة خضار
المقبلات
سمبوسة
كبة
الو فادا
سبرينج رول
ورق عنب
فته حمص
فطاير
بسطيلة
الطبق الرئيسي
مب شرط عيش
شيش طاووق
مسخن
برياني
مجبوس
صالونه
ناشف
لحم بالبرقوق
دجاج بالزيتون
دجاج بالصينية
داوود باشا
غوزي لحم (مب ذبيحة خخخخخخ وركين ولا ورك و ايد بنفس خلطة الغوزي)
معكرونه بالبشاميل
لزانيا
عيش صيني
الحلو
سويت الفراولة
كيك التمر او الكيك بانواعه كل مرة نوع واحد اسوي
ليالي لبنان
تيراميسو
فرني
ام علي
رز مالاي
فالودة
قطايف
و بس هذا اللي اذكره
نصيحتي حاولي من الحين تسوين منيو اسبوعي بدال عوار الراس