شخصية البنات هالأيام غير

أرحب فيكم أنا عضوه NEW
لاحظت في شخصية البنات هالأيام غير( قصدي البنات الجادات مب الماصخات ) المهم أشوف فيهم شخصية قوية وماتتنازل شو رايكم ؟؟؟

كيف يعني ما تتنازل؟

بالعكس شي حلو

ليش دايم الحرمه لازم تكون مستضعفه

الريال يحدها شرق غرب

لازم بعد الوحده يكون لها شخصيه وكيان و رايي

ما تتعامل على انها مجرد جسد…

وانا بعد نفس الشي احب الوحدة تكون لها شخصية خاصة مع ريلها يعني بس طبعا بحدود
وانها ما تتنازل عن حقوقها وتخلي الكل يحترمها ^_^
للاسف في بعض الرياييل يعتبرون هالشي عيب وان الحرمة لازم تسمع بس انا ما اعمم قلت بعض
وفعلا انا هالشي ما اقول لاني شفت في عيني

لازم البنت اتكون عارفة شوي تبا و ما تبا عشان اللي حوليها يعاملونها نفس ما هي تبي…
قوة الشخصية حلوه.. بس شي فرق بين الشخصية القوية والوقاحة

اناا معااج بعد حلو جي وانا منهم ماتنازل عن رايي او عن اي شي

وخصوصا بين الزوجين يعني انا اشوف في واايد يفرضون عليهم راييلهم اشيا ماكانوا يسوونها قبل يعني مثلا يقولها لا تلبسين جي واتغشي يوم تكونين معاج وهي ماكانت تتغشى " ليش يستحي منها هو يقولها اتغشي " نحن مانتغشى وخواتي عرسن ومايتغشن يقولن نحن جي المهم متحجبات ورياييلهم يسكتون لأن ردهم اماصخ اغار وماعرف شو !!
وبعد اذا تبا تسيؤ بيت اهلها او عزيمه بمذله عسب يرضى ..
من البدايه افهمه ان بيت هلي العزايم اسير لهم بدون مجادلات .. اغلبهم سيري مرة وحده لا تروحين هني ولا تروحين هالعرس ..

احلوه الشخصيه جي وان شالله الكل جي

اختي وضحي المقصود…لأني اريد افهم وارد صح