شروطه قبل الزواج صدمتنيه .

السلام عليكم ورحمة الله وبركاته

شحالكن خواتيه ..

اليوم بغيت اشاوركن ف شي وبليييز كل وحده تقول رايها بصراحه ..

اختيه متقدملها واحد والنعم فيه .. وهو يباها وهي تباه يعني مقتنعين ابعض .. بس وين المشكله؟؟

امممم صدمنا قال انا عنديه شروط .. ما عنديه حرمه تشتغل وتسوق .. واختيه توها بتخلص جامعه وراسمه من زمان مستقبلها ودوم تقولنا وين تحلم تشتغل وتوها ماخذه الليسن ما مداها تتهنى فيه .. وابويه وايد مشجعنها انها تعتمد على عمرها لانه ابويه فديته مقتنع انه سلاح المرأه دراستها وشغلها ..

الحينه هي انصدمت من شروطه .. قالها اباج تيلسين في البيت تربين عيالج واجابلينهم واجابلينيه ولو قصرج شي عقب قولي انا قصرت وسيري اشتغلي ..

اممم انا عن نفسي احس حرام هي واايد تحب الدراسه ومتفوقه الحمدالله واحنا كلنا مستانسين عليها انها رامت توصل وتحقق احلامها .. ماعرف انا رايي المفروض هو يغير شروطه ويرضى انها تشتغل وتسوق ..

هي تباه ولكن عقب الشروط بدت تفكر لانها بعدها ما ردت عليه لو هي موافقه ولا لا ..

انتو شو رايكم؟؟؟ بليييز قولو الصراحه

والله من رياايي تستخير الاثنين شي مايضحى فيهم وهدفين بيت وزواج وريال وعيالل ومستقبل وهدف وحلم ؟!

حيرره بصراحه

اختي دامه مابيقصر وياها
حق شو التعب ..

خلها تدلع عمررها فتره واذا ملت من يلسه البيت تبتدي شوي شوي وتطلب منه
اذا هو يحبها ويبا راحتها بيخليها تشتغل
لان راحتها بشغلها

وربي يوفقها

خليها تستخير وربج يجدم الله فيه الخير

انا اقول تسمع كلام ريلها اذا هوو ما بيقصر عليهااا
هذي اهم شي ليش اتعب نفسها وجي .. انا اشوف الحرمه حق البيت مب حق شغل وعفسه
خل اتجابل ريلها وعيلها احسن لهااا.. صح هيه شاطره وتدرس بس الاهم انهاا اتكمل نص دينهاا

ليش ما يكون شروطها انها تشتغل و تكمل دراسه
و اذا هو يباه بيوافق
خليها ترد الشروط عليه
و ان شاء الله ربي يسخرلها الارض و من عليها و يهديه
ترا الشغل مب عشان القصور … يعني لازم الحرمه تغير جو و تشوف الاوادم

من رايي

إما تقنعه برايها او يقنعها

بس الحياه تضحيه

اذا هيه تباه و هو ريال و النعم فيه

شو بتسوي