شسوي امي تدعي عليهـــ تعبانه نفسيا" شورن عليه "

السموحه فديتكن والله احس عمري ماعرف كيف،، مفتشله شقايل انزل هالموظوع بس من قلب ابغي مشورتكن لاني تعبت نفسيا واحتاج لنصيحه او لكلمه تريح

خواتي انا وايد اعاني من الوالده،، الوالده تعصب وايد وتظايج وتتنرفز لأبسط الاشياء والمشكله انه كل ما يستوي شي تدعي علينا

حراااامــ اصيح من قلبــ ،، يعني دعاء الوالدين مستجاب تدعي علينا بأدعية صدق تألمـــ ،، يعني حتى لو صار شي وانا ما يخصني فسالفه

لو ظايجتها اي حركه مني بتدعي عليه،، حرام انا احس اني متغربله فحياتي بسبة هالادعيه من يوم نحن صغار وكل خواتي بالمثلـــ

المشكله الوالده مريظه بالمعدة والسكر علشان جذه اعذرها،، وانا ساكته ،، لكن الدعاء يستجاب حرامـــ نتعذب نحن بسبب لحظة ظيق

وودي لو اليوم قبل باجر اعرس واطلع وراتاحـــ،، ومشكله اني باخذ ريال فأول حياته ما عنده ميزانيه لبيت بروحي فبضطر اعيش ويا اهلهـــ

وفوق ها كلهــ يميزون خواني شباب علينا كل شي لهمــ الحب والحنان والمال كله لهمـــ،،

احيانا اصيح من قلبي احتاج بس كلمة حب او حظن منها لكن مالقى شي،، وين اعوظ ؟؟ هالشيء ياثر عالنفسية ويتعبها,,

خواتي انا وايد تعبانه نفسيا وايد اعاني شسوي؟؟ دخيلكم قولولي اي شي بس ابي ارتاح،، حاولت كمن مره انبهها عسب دعائها مستجاب

مشكله تعصب اكثر ،، واذا استوت سالفه تظايجها،، بترد تعيد كلامي وبتقول حتى لو ما تبوني ادعي عليكم بس غصب ادعي

مع انه ربي يشهد عليه اني ما اسوي شي يزعلها وطول وقت ابي ارظيها واخاف تعصب،، وخواني انا ادرسهم والبسهم واغسلهم وكل شيء عليه

الوالده طيبه وما تقصر بشي لكن هذي مشلكتها،،

خواتي دخيلكن شورن عليه شو اسوي،، كيف اصبر عمري،، احس تعبانه نفسيا لا حنان ولا حب وفوق هذذا يندعى علينا شو اسوي..؟؟؟

سبحانك اللهم وبحمدك أشهد أن لا إله إلا انت استغفرك واتوب إليك،،

يارب تسامحني عاللي كتبته وما كتبت هالشيء الا لاني ابى المشورهـــ

وخلي حد من اهلها الي تحبهم ينصحها .. امها " يدتج" او خواتها " خالاتج"

انا امي كانت جيه من زمان بس نحن خبرنا عليها امها و من يومها ^^ اتغيرت ..

الله يصلح شانج .. ويبعد الهم عنج

الله يسر امورج واكثري من الاستغفار وقيام الليل واقرى البقرة بدل هالضيج صدقيني بترتاحين الجأي الى رب العالمين وادعي ربج