شفت شي وما ادري اقوله ولا لأ؟؟؟

الصراحه لو مكانج صح بتردد عشان ماكون سبب ف مشاكل بينهم

بس بخبرها ولا اتم ع عماها

الغالية إذا انتي متأكده من الموضوع لازم تخبرينها من راي منكم منكرا فليغيره بيده والساكت عن الحق شيطان اخرس

وليش بتخربين حياتها بالعكس يمكن حياتها تخترب وهيه على عماها الحقي عليها واحسبيها اختج بس قبل ماتسوي اي

مشاكل فهميها بطريقة عقلانية وبهدوء وحسسيها انج ماكنتي تبغين او مب ناوية تخبرينها لانج خايفة على بيتها

وقوليلها قبل كل شي اتأكدي بنفسج وخليها تختبره وتشوف بعينها قبل ماتكون تاكدت باللي سمعته نصيحة خبريها ….

هذا انسان شكله مادي وماخذه لعبة يخلص ويروح … وربي يوفقج للخير

اختي مثل ماقالت الاخت انه انسان مادي

انا عارفه انك ماتبغين عوار الراس وانها تشك فيكي

بس لو صارت مشكله كبيرة بعدين بينهم انتي بتلومين نفسك

لانك اخترتي راحت نفسك وهي بعدين بتقول ياريتك خبرتيني

انا ماقول تخربين بيتها

بس خبريها وروحي عند الصايغ معاها

وشوفي شو بيصير

بس اول شي تاكدي من الصايغ

او يمكن تقولين لها انك شفت زوجها عند الصايغ في السوق خير شو في عنده يمكن كان يتشرى لك شي؟!

وبعد في شي ثاني

هو يمكن محتاج على حسب كلامك ان هو مستواه المادي ضعيف

ويمكن منحرج يطلب منها شي

فراح سرقها!!!!!!

يمكن هو ماقصده شي يمكن بعدين بيرجعلها بشي احسن

بس مااعرف لو طلب منها كان احسن

لان السرقه سرقه والكذب كذب اختي مهما كان

يعني يمكن يتمادى اكثر
عرفتي علي

هو مب ياهل او مراهق

وهي مب امه ولا ابوه لا

هي حرمة غريبة لو زوجته

بس في الاخير هي وافقت عليه يكون زوجها يعني هي تعرفه كيف وتعرف حالته المادية

يعني هي تتحمل المسؤولية ويمكن هي راضيه

شو هالريال !!!!!!
والله مايستحي
هاي صرقة حتى لو هاي حرمته

مادري بس اشوف ان الافضل الحين ما تخبرينها يمكن تصير مشاكل ويمكن هو ندم على هالشي ما تدرين ….. اذا صار موقف ثاني وخبرتج ذيج الساعه خبريها

انتي خليها تعرف مين السارق من دون ما تذكري اسماء
يعني قوليلها تحط كاميرا ببيتها و تتقصد تحط ذهب و ألماس و تشوف
بهيك بيكون بالجرم المشهود