شفت هالشي بالمسلسلات بس ما عبالي بيستوي في الواقع !!!

السلام عليكم و رحمه الله وبركاته ..

اخباركم ..؟

الله يسلمكم اليوم بقول سالفة صديقتي ..

صديقتي تقدم لها واحد و هيه موافقة وابوها وافق وهو ريال زين وما ينعاب
المهم في يوم ابوها سألها كم سنة باجي لها وتخلص دراسة ؟؟
فقالت باجي لي سنة ومن يوم ابوها عرف انه باجي لها سنة كله يسوي مشاكل ويا الناس
وحاول كم مرة معاها عشان ترفض الولد بانه يقول لها اشاعات عن الولد ..!!
ويوم شاف ماشي فايدة قام يسوي مشاكل ويا الناس .. بس الناس مصريين عليها يبونها
المهم الين اخر شي خلى الناس يقولون خلاص ما نبا بنتكم …

وبعد فترة الناس بعدهم يكلمونهم يبون بنتهم بس ابوها اللي يخرب وتخيلو اخر شي عشان شو؟؟

عشان انها بتتخرج و هو محصل لها شغل ويبيها تعطيه بيزات !!!!!

يعني عشان البيزات تخرب حياة بنتك وتحرمها السعادة !!!!
و هو بعد كل ها يتصرف كانه ما مسوي شي !!!

البنت الحين حتى مب رايمة تيلس مع ابوها حتى على الغدى دمعتها في عينها من بعد ما عرفت نيته !!!!

انتو شو رايكم في الموضوع ؟؟؟
ولو انتو مكانها شو بيكون موقفكم ؟!!

مايهون علي اشتكي عليه بالنهايه ابوي ..
بس مابشتغل . ولو احتجت واشتغلت مابعطيه بتم اقوله ماعندي وماعندي

الله يكون في عونها صراحة لو مكانها انا بضايق منه وايد نصيحة تكلم امها وتخليها تقنع الوالد انه البنت تتزوج ترى الزواج ستر لها ..

و كيف استنتجتوا ان الابو يبي ياخذ منها فلوس ؟
هل هو قال لبنته بصريح العبارة … ابيج تشتغلين و تعطيني بيزات ؟

خلها تعلن للجميع في البيت انها مب ناوية تشتغل وتشوف شو بيستوي

السلام عليكم .مادري اذا تسمحولي ارد علموضوع.بس مثل ماكالت الاخت ريم يمكن سبب ثاني مو الفلوس وبعدين ياحبيبت قلبي ترى الزواج قسمه ونصيب باجر انشاءالله يجيها الحسن منه بيها صالح ياقلبي ممكن تصبر شوي والله انا صارلي شبه الموضوع بس بعد فترة اكتشفت عالولد وايد شغلات وقلت زين ان ابويه وكفلي وماتم الموضوع وشكرا

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .