شفط دهون أعلى الذراعين

السلام عليكم..

بنات أنا صراحة مفكرة أسوي شفط دهون حق زندي.. ووايد مترددة لأني ماعرف شي عن هاي العمليات.. بس سألت دكتور وقاللي العملية عادية ومافيها أي خطورة.. وقاللي الرياضة ما اتضعف بس ما اتضد الزند يعني يمكن يترهل فالشفط أحسن..

في هذا الموضوع بليز بنات نبا تجاربكم وآراءكم.. حتى لو وحدة تعرف وحدة مسوية.. نبا كلنا نستفيد.. وهل الرياضة أفضل للزند أو الشفط..

وتسلموووووووووووولي

انشاءالله الخوات يفيدونج لاني ما عندي اي فكره..

بس من وجهة نظري احس الاشياء الطبيعيه احسن عن اي شي ثاني..

االصراحة اختي انا انصحج بالرياضة لاني سويت رجيم + مشي سريع لمدة شهرين ونزلت 9 كيلو الحمدالله كملت سنه ووزني ثابت لين الحين

الصراحه انا عندي نفس المشكله بس ابدا ما فكرت ف العمليات .. احسن لج اتسوين رياضة ..

أنصحج بالرياضة في نادي عند حد متخصص
و المعلومات اللي أعرفها عن الشفط …
إذا عندج دهون متركزه في مكان معين و سويتي رياضة لها و لمدة معينة و ما فاد أحس العمليه ممكن تيب نتيجة و هذا شي راجع لج بس لازم معاها عملية شد لأن الشفط بروحه بيسوي ترهل و النتيجة ما تبان على طول لأني شفت اللي سوو عمليات للشفط في التلفزيون يتجمع ماي مكان العملية و يحتاج فترة نقاهه و عقبها تمارين لتحسين المظهر .. و لازم في عيادة تكونين واثقه منها و شايفه النتايج للعمليات اللي مسوينها لغيرج عشان ما تستويلج مضاعفات
عقب العمليه ( و حطي في بالج الشفط بيكون شفط للخلايا الدهنيه بتنقص و معاه طبعا دم و إذا رديتي تاكلين بكثرة الخلايا الدهنيه الثانيه يكبر حجمها يعني كأنج ما سويتي العمليه !!!! )

انا سمعت عن القص

يقولون احسن من الشفط لان الشفط خطره اما القص يقولون اوكي بس يكون امبين يعني مكان الخياطه امبين