شقايل تفججون البورجر المجمد؟

السلام عليكم

بنات العنوان واضح ..

يعني فجأة بغوا ع العشاء بورجر ف اكيد بتروحين اطلعينه من الثلاجة بس كيف تفججينه عن بعضه ﻷنهم يكونو مرة لاصقين بالورق الي مفروض يفصلهم عن بعض ..

هل لازم اخليه مثلا 30 دقيقة برا الثلاجة ؟

ولا عادي احطهم بالمكرويف اذا كنت مستعجلة عسب يتفججن بسرعة؟

انتو شو تسوون؟؟

ههههه من زمااان فبالي هالسؤال وللحين محد رد علي ^^

أتريا صاحبات الخبرة

طلعيه من وقت وانتي ساليهم من المغرب شو تبون عشا؟
وشخصيا ادخل سكين امبينهم بشويش وينفصلن بسهولة واييب صينية واوزعهم وحدة وحدة عسب يذوبون سرعه
لو مستعيلين مافي مجال احطه بالمكرويف مال دقيقة مش اكثر لان سرعه يذوب

عليكم السلام والرحمه اختي انا إفكهم بسكين وأقل يهم على طول مااحط هم يذوبون لانه يتفتت لو خليته يذوب بس فكيه وهو مجمد بالسكين على طول يتفكك وحده وحده

للرفع

افتحها بالسكين اخلي من بينهم ويتبطل ماعمري خليته يذوب احطه ع الزيت الحار ع طول

اختي ادخل السكين امبينهم
ويبطل معاج البرقر
ع طول اقليه