شحالكن حريم وبنيات ومشرفات وامهات وعياييز خخخخخخ ( اللي شراتي) وإمــبــاااركــن عــيــــدكــن ….وقبل لا ابتدي في موضوووعي … ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )
هذي قصه ربيعتي والله على ما اقوله شهيد …
انا رمستها وقلتلها بعرض مشكلتج على المنتدى وانشاء الله خواتي يساعدنج بإذن الله وتلقين حلول لمشكلتج وانا بعد نصحتها …
سلمكن الله ربيعتي معرسه قبلي بسنه وطبعا تعارفنا في بدايه زواجها بما انها ماخذه من معارفنا …
من عرست الحمدالله الكل شافها مرتاحه والحمدالله ومرت ثلاث سنين والامور طيبه والله رزقها بعيال هذي الفتره وتمت محافظه على اعيالها يعني لو اقولكن والله ثم والله انسانه محترمه وطيبه وهاديه لبعد الحدود وجميله وفي حالها ماتطري الانسان بشين يعني حياتها تربيه اعيال ومهتمه في ريلها لابعد الحدود يعني لو يبغي اعيونها بتعطيه……………………….( وهني بدايه اول مشكله)يعني عادي تشتغل بدون بشكاره تغسل وتكوي وتنظف وتطبخ يحليها وبدون بشكاره المهم يابت بشكاره وارتاحت من الهم …
وبعدها عرست من بعدها بسنه وعرفت تصرفات الريال وتمينا نتلاقى في الاعياد او المناسبات وتدور احاديث من بينا عن الحياه الزوجيه وغيرها …
رمستي وقالت الحمدالله مرتاحه يعني احسها وايد وايد وايد ساكته عن حقوقها البسيطه مثل شو؟؟؟
يعني ريلها بيظهر دبي والا العين والا الشارجه مستحيل اتكون وياه الا نادرا ليش؟؟؟
سالتها اتقول ريلي صح يحب العيال بس يطفر من يسمع حشرتهم ليش يافلانه تسكين؟؟؟
اولا جاوبتها انتي فتحتي باب لعمرج لانج متهاونه وياه قوليله دامك اتحب العيال ايلس ويايه في البيت واتعب عليهم وساعدني على الاقل باقل الواجبات …
اتقول لا حرام ويبغي يرتاح ويبغي يحوط ومايبغي يرتبط بعيال وانتي وين عن هذا كله اتقول ابغي راحته وراحه اعياله …
سكت وقلتلها يافلانه هذا هب اسلوب تتعاملين وياه يعني شالتنه على كفوف الراحه انزين نقطه ثانيه ريلها يسافر كل صيف والله ثم والله ماسفرها حتى شهر العسل ماسافرت؟؟؟؟
ليييييييييش حياته شباب ولعب وهيه تسكت والله ماتقول شي وتستقبله بأحر من الجمر وجو كله حب ورومانسيه عشان اتريحه …
بعد قالت ماعليه هذا وعيالي واحبه لازم اتنازل عن شي عشان مايعصب عليه ابغي راحته …
اتقول ريلها طيب وحنون ويحب لعيال بس انا ماشوف كل هذا اشوف العكس …
قلتلها يافلانه بادري وغيري اسلوبج ترا ( الريال اللي ياخذ من حرمته اللي يبغيه وبسهوله خلاف صعب تردده وبيركب فوق راسها)
يعني قلتلها اذا شفتيه يبغي يسير مكان قوليله بخاويك وعيالي جاهزين وحضرتها اتقول لا ما اقدر احس رزه( شو رزه هذا ريلج) يعني هذا حقج وحق اعيالج اونه هو ماقالي كيف ايي واوقوله قويه في حقي ( بالله عليج وين قويه والله لركب غصبن عنه واقوله اتحمل اللي يبغي اعيال يتحمل عليهم هب المسؤليهيه كلها عليه) يعني سلامتكن رحلات ماشي لعياله اغلبيه وقته من يظهر الصبح للدوام ويرقد وينش العصر من العصر وهو شغال في الحواطه لين في الليل ولايدري عنهم والمكسينه ويا اعيالها …
ماخذين صحتها يعني يابنت اعيال ورا بعض …. واتقول يصنع المشاكل بس يبغي يزعل ويتغلى ومستحيل والله حتى لو كان غلطان عليها تراضيه( ليش يافلانه ليش ياما حذرتج وقلتلج كرامتج فوق كل شي وخلي عنج حبج لعمي لريلج)
هذا الرياااااااااااال لو يبغي شي والله عطته يافلانه لاتسيرين مابتسير يافلانه طبخي بتطبخ يافلانه سوي بتسوي اقسم بالله اكلمها والدموع في عينها اتقول يا ام سعيد شفته ( ملاك بعيني وماشكيت في يوم بيخوني يعني قلبي ونظري معتمي حسيته شريف وظهر هب قدها) يافلانه ياما قلتلج الرياييل نصهم خونه ويلعبون بالذيل وقالت لا ريلي وريلي يعني ملاك بعينها ويخاف ربه ويصونها …
هذي لها السنه السادسه من سنه تقريبا وهي متعذبه وياريلها والمشكله بعد عمتها اللي كانت تحبها انقلبت عليها وكله اتحط عليها ….
غلطو عليها وريلها مادافع عنها وسكت وانهانت وسكتت قالت يمكن يحبني( وين يحبج وهو ماصان هيبتج عند الكل وماسوالج الف حساب بالله عليج هذا اي حب)قالت صارحته وواجهته بس مارضى يقول الصدق يعني يكذب المشكله كاشفتنه وشافت تيلفونه ويكذبها …
قالت حسيت في يوم من ريحته انه يخون وكان ايقولها يافلانه انا بصونج واحبج والله ماخونج واكتشفت خياناته مره ومرتين وثلاث( اتصيح واتقول يافلانه انكسرت وانجرحت جرح عميق ومن داخلي)
ليش ليش شليته على كفوف الراحه ولا خليته يحتاج لشي مدلعتنه وصاينه بيته واعياله ابغي اذوق السعاده وياه ابغي احس حالي حال غيري بالاهتمام اهتم فيه اكثر مايهتم فينا لو يذبحني ماقلته شي ( بس الندم ماينفع ياما نصحتج يالغاليه قلتلج خلج غامضه ولاتعطينه كل شي بالساهل لايرفسج بريله)
اقسم بالله اتقول اني كتاب مفتوح الغموض ماعرفه كل شي يصير اعلمه اول باول وكل تصرفات البيت اعلمه وكل حركه واي شي سويته اعلمه(فديتج قلتج الغموض للحرمه حلو ومب كل شي تخبر به الريال حتى لو كانت مشاكل اهليه خلي الشي بينج وبين نفسج يعني لاتصغرين هلج او ربيعاتج او اخوانج عند ريلج واتعلمينه بمشاكلهم) وحتى اخته لو قالتج او امه او اخوه لاتعلمينه خلي الشي بينج وبين نفسج … بس للاسف بعد مافات الفوت ماينفع الصوت حاولتي تغلقين صفحه اكتابج المفتوحه ماقدرتي لانج عودتيه على هذا الطبع وانتي تعودتي عليه …
…. ومــــن ســــــــــنـــــــه تــــقـــريـــبـــــا ….المهم الكل لاحظ تغيرر علاقتهم وصحتها المتدهوره وبالاخص انا بعد انتهبت لهذي النقطه وجاريتها بالكلام لين ماعترفت وقالت انها خلاص ماتبغيه وتبغي كلن يروح في سبيله(لاحبيبتي الحياه ماتنتهي بهذا الحل لوانها هذا الشي بيرضيج وبيرضيه واتشوفونه الحل المناسب الكل سلك هذا الدرب غيركم لو كان في راحه)
بس في تفكير ومنطق ايقول اهم شي ربي العالمين واعيالي وخلاف تفرغي بمشكه ريلج …
قلتلها اتصلي بمطوع وعلميه بسالفتج المهم قالها المطوع هذا سحر ومزروع في بيتج وقالها المكان بس للاسف لين يومج ماراحت اظهره كل ماتبغي شي يردها واتصيح وتضايق …
وقالها مطوع ثاني ماعليج من هذا الكلام واظبي على قيام الليل والاستغفار والادعيه …
والقهرررر ان قالتلي ان حرمه ابوها متحلفه تزرعلها سحر هيه وخوانها والكل عارف انها تسحر يعني ماتبغي بناته يتوفقن ونعم حلفت يمين ان حرمه ابوها زارتها من سنه هيه وبنتها وتقسم بالله من ظهرت ماترقعت الحرمه الا مشاكل زوجيه وطبعا قالها مطوع ان في سحر وسكتت عن الموضوع …
انا نصحتها وقلتلها كل شي بيد ربي العالمين عليج بالاستغفار وقيام الليل وسوره البقره يوميا ومش خسرانه لو رحتي تحفرين واظهرين السحر وتعقينه لان قالها عقيه في الزباله بس لاتلمسينه …
يعني اهم شي تلازم القرآن والاستغفار …
والسموووووووووحه منكن خوااااااتي طولت عليكن بس امانه اللي اتحدر الموضوع تدعي لها الله يفرج همها ويرجع ريلها احسن عن قبل والله يهنيها ويسعدها ويحفظ ريلها واعيالها …
وانشاء الله بوصلها بإذن الله نصايحكن …
حبيت إرفع الموضوع و إن شاء الله الأخوات المتزوجات يفيدوها
ربي يفرج همها وكربتها ويسير امورها مع ريلها ويسعدهم ويرده لها احسن من الاول يااااااااااارب
المفروض انها تروح تطلعهدام انها عرفت مكانه ولا تخرب حياتها
حرام تحتها عيال ومالهم ذنب يتشتتون
حسبي الله ونعم الوكيل ناس ماتعرف ربها اقسم بالله
الله يعينها ويصبرها
لكن ان كان السحر موجود
ليش طلب الشيخ انها ترميه؟؟؟شو الفايده
مب المفروض يبطلون هالعمل؟ يعني تاخذيه للشيخ المفروض عشان يفكه
الله يساعدها وانتي وقفي معاها