قولو ما شاء الله
كبه البطاطا باللحم
الطريقه لعيون اللي طلبوا
كيلو بطاطا مفور بالماي وبعدين تهريسينه وتفقسين عليه بيضه وحده وتخلطينها زين ويا البطاطا بس لما يبرد وترشينه بفلفل ابيض وبملح وجربي طعمه اذا احتاج ملح ولا لا
في بايركس ادهنيه بالزيت ورشيه ببقسمات واقسمي هريسه البطاطا الى قسمين النص الاول تحت وبعدين حشوه اللحم وبعدين بقيه البطاطا وبعدين رشي البقسمات وحطي فوقهم قطع زبده مال 10جرام 4 قطع ودخليها الفرن 20دقيقه من تحت بس شغلي وبعدين طلعيها واقلبيها بصحن
وطريقه اللحم
اتحطين ربع كوب زيت وتقلين فيه البصل بصلتين حجمهم وسط مفرومين لين يذبل مب يستوي ذهبي يذبل بس وبعدين اتحطين فوق البصل
نص كيلو لحم مفروم وتقلينه لين يجف الماي وينطبخ وبعدين بندي النار واضيفي ملعقه صغيره فلفل حلو ونص ملعقه صغيره قرفه ونص ملعقه صغيره فلفل حار بودره وملعقه صغيره ملح
سندويشات الدجاج
اتييبين صمون وتقطعينه لثلاث قطع وتفرغينه من داخل وتحشينه واتحطين عليه جبن موزيرلا وادخلينه الفرن يتحمر وطريقه الحشو
اتفورين دجاجه واتفتتينها واتشيلين منها العظم وفي تاوه صبي شوي زيت واقلي بصلتين لين يستوي لونهم ذهبي وبعدين اضيفي الدجاج المفتت وملعقه صغيره من كل من قرفه وكمون وكركم و فلفل اسود ومكعبين ماجي وجزره مبشوره وفليفله وحده مقطعه صغار واتخلطينهم ع النار مده 10دقايق وبعدين بندي النار ولما يبرد الحشو اضيفي ملعقتين مايونيز وجبن كرافت واخلطيهم زين واحشي
المندي
طريقه المندي
2كوب ارز مغسول وتخلونه بالماي ربع ساعه وتصفونه ملعقتين طعام زيت بصله متوسطه مفرومه نص عود قرفه 8حبات هيل و8حبات قرنفل وملعقه صغيره ونصف ملح و2 طماطم وسط مقشرين ومفرومين و2 فلفل حار وطلعي منه البذور وكوبين ونص ماي
وتتبيله الدجاج
كيلو دجاج مع الجلد ملعقه صغيره من كلن من ملح وكركم وبهارات التندوري ونص ملعقه صغيره من كلن من هيل بودره وقرفه بودره ولومي يابس مطحون وملعقتين طعام زيت وملعقتين طعام عصير ليمون ربع ملعقه طعام فلفل اسود صبغه حمره ربع ملعقه طعام
الطريقه اخلطي مقادير تتبيله الدجاج جيدا ووزعيها على الدجاج وخليهم بالطاسه
وبالنسبه للارز سخني الزيت واقلي البصل لين يستوي ذهبي وبعدين بندي النار وانقلي البصل والزيت لبايركس واضيفي الطماطم والارز والماي والفلفل والملح والبهارات اخلطيهم زين وغطي البايركس بقصدير وسوي فيه ثقوب واااااااااااااايد وحطي الدجاج المقطع لانصاف وردي غطيه بطبقتين من القصدير زين ما زين ودخليه الفرن لدرجه حراره 170لمده ساعه وخمس دقايق وبعدين طلعي الدجاج وادهينه بالفرشاه بالزيت وحمريه بالفرن من فوق وبعدين رديه في البايركس وولعي فحمه وبعدين حطيها في فنجان به شوي زيت وحطيها بالبايركس وغطيه بقصدير لمده دقيقه وبعدين طلعيها
تسلم ايدج شكلهم يمي يميييييييي
تسلم الايادي
ما شاء الله تبارك الرحمن
مشكورة حبوبه