انا مطلقة وعندي بنت والحمدلله والحين كملت تقريبا سنة على طلاقي بس في واحد يباني بس للاسف حافي ومنتف يعني الديون واصلة لين راسه ويهتم بالمظاهر والكشخة والصراحة يعرف بنات وايد بعد ومب ملتزم بالصلاة بس انا رديت عليه وقلت له يفتح الله اهم شي عندي الصلاة طبعا بالدرجة الاولى وبعدين هو أعزب مب متزوج من قبل يعني هاي الصفة الوحيدة اللي زينه فيه واصغر عني بسنتين بس الصفات الثانية مول ماتنفع الله يهديه ان شاء الله بس وايد صعب اني اغير واحد كان متعود على سوالف البنات وانا بطبعي غيورة وايد .
والريال كم مرة فاتحني في هالموضوع يقول والله بسعدج قلت ماقدر والله لانك ماتقدر تفتح بيت وانا مابا واحد انا اصرف عليه مستحيل ابلش عمري وبعدين كنت متزوجة واحد كان معتمد علي في كل شي ومستحيل اكرر هالشي خلاص تعبت من الصرف والله العظيم خاطري بواحد ملتزم يخاف الله ومايسوي الحرام ويقول لي يلسي في البيت انا بصرف عليج لكن وين نادر ماتلقين ريال جذي .
والوحدة بعد الطلاق مستحيل تتسرع مرة ثانية خاصة في الزواج مب لعبة ولايوم ولايومين عشرة عمر
استخري وفكري كونج طالعه من تجربه سابقه 
وبالتووفييق
خليكي على رايك وربي بيرزقك الي يستاهلك ويقدر قيمتك وتكون أسعد زواجة وانا بعد ياااااااارب
وبينج وبين نفسج هل حاااسة انج عندج القدره تصبرين على وضعة وهل في مجال تغيرينه
دمتي بود
يا ترى هو كفو يكون اب لبنتج ؟
يعني بيهتم فيها وبيحبها شرات بنته ؟؟
المشاركة الأصلية كتبت بواسطة قمر الشرق 
خليكي على رايك وربي بيرزقك الي يستاهلك ويقدر قيمتك وتكون أسعد زواجة وانا بعد ياااااااارب
صح كلامها الي متعود على خرابيط البنات ينخاف منه
والله بتعانين وايد مب سهل