شوربة السي فود ^_^

السلام عليكم ورحمة الله وبركاته

اقدم لكم اليوم شورية لمحبي الاكلات البحرية(السي فود) والطريقة من اختراعي وكنت منزلتنها في

رمضان في منتدى ثاني واتمنى انها تعجبكن والكمية تكفي من 10 الى 15 شخص …

المقادير :

– سي فود طازج انا اشتريه من الجمعية
– فطر ( مشروم )
– ذرة حلوة
– باكيت شوربة خلاصة الدجاج
– باكيت شوربة العدس
– زبدة
– بشمل ( مقدار 1 ليتر من الحليب )

– البهارات : 1 ملعقة ملح & 1 ملعقة بزار & 1 ملعقة زنجبيل & نص ملعقة فلفل احمر
3 ملاعق كركم (حتى تكسب الشوربة اللون الاصفر ) & زعفران .

الطريقة :

اولا : شي نحط البصل ويا الزبدة الى ان يذبل البصل

ثانيا : نحط السي فود ويا البصل ونخليه دقيقتين

ثالثا : نضيف الفطر والذرة ونخليه دقايق

رابعا : نضيف كل البهارات باستثناء الزعفران ونخلطهم

خامسا : نضيف شوربة الدجاج والعدس بعد ما خلطناهم ويا بعض في الماء ( كمية الماء على حسب الموجود على الباكيت ) . ونضيف الباشميل .

سادسا : ننثر الزعفران فوق الشوربة عسب يوم نغرفه يعطينا تموجات حمراء كشكل .

وصحتين وهنا … :22 (5):

مشكوووووووووره غلاتي على هالوصفه الفنتك ماقصرتي وان شاءالله بجربها

بس انا بسويها بالربيان مدري اذا بينفع انتي شو رايج

خويتج

هلا وغلا خويتي … عموما السي فود عبارة عن ربيان وباقي الاكلات البحرية وترورمين تحطين روبيان بس في الشوربة بشرط يكون الروبيان اشوي كبير عسب انه بيذبل شوي ^_^

ايوااا مشكووووره غلاتي اسميه بيستانس ريلي وماعاد بنطلبها من برا هههههههه

ربي يخليج

مشكوووووره

إن شاء الله بجربها وبحطلج صورة التطبيق

تسلمون خواتي على المرور ^_^

تسلم يمناج الغاليه على الطريقة