شوربة الفطر او كريمة الفطر بالاصح ؟؟؟؟؟؟؟

هلا بنات

ابا طريقة كريمة الفطر

انا مره تعشيت بمطعم القيصر الي براس الخيمه

شوربتهم تينن ابا طريقتها

ساعدوني بليز

انا يوم شفت العنوان فرحت ..اتحراج عارضه الوصفه

انا بروحي ابااها هاي الشوربه

ان شاءالله حد من البنات يفيدونااا

واناااااااااااا بعد ابااااااااااا

انا اسوي شورة فطر كريمية بس ماعرف اذا نفسها اللي في قيصر؟؟؟
المقادير:
نصف علبة فطر طازج
كوب وربع كريمة سايلة
بصلة
مكعب ماجي
تقريبا 4 -5 اكواب ماء
ملح وفلفل
4 ملاعق طعام نشا

الطريقة
نقطع البصل ونحمسه مع الزبدة حتى يصير لونه ذهبي وضيفي فوقه كوب ماء وربع كوب كريمه وخلي يغلي شوي وبنديه اخلطي في خلاط البلندر يوم بتبرد الخلطه واتركيه على جنب
قطعي الفطر قطع صغيرة وقلي بشوي زبده حتى ينضج وحطي فوق الخلطه الاولى
في جدرحجم كبير شوي ضيفي 3 ونص كوب ماء مع مكعب الماجي حتى يغلي وبعدها ضيفي كوب كريمة سائلة
اضيفي 4 ملاعق نشا مذوبة في نصف كوب الماء المتبقي وضيفي فوق الخلطه بالجدر وفي هذي الاثناء ضيفي الخلطة الاولى بالجدر بعد وشوفي قياس النمالح والفلفل على حسب الرغبة وخلي بيغلي على نار هادية وبس

انا بحاول انزلها بموضوع بروحها مع الصور
واي سؤال انا حاضرة

مشكوره اختي عالوصفه

انا حصلت وصفه ثانيه من النت

ياي لذيذه وايد سويتها

وما شبعت منها

يمي يمي

الحبوبه مشكوووره وايد

حطي لنا الطريقه عشان نستفيد

شكرا