شوربة الفطر بالكريمة منو تعلمني ياها ولها مني دعوة حلوة؟

السلام عليكم ورحمة اللعه وبركاته

سرت من ايام مطعم لبناني وطلبت شوووربة الفطر بالكريمة ..

عادة ما احب الشوربات وما اطلبها بالمطعم مستعيلة على الاكل دوووم من اليوع

لكن ذيج المرة كنت مب يوعانة وابي شي خفيف طلبت شوربة الفطر ويوم طعمتها عيبتني وااايد

ابا حد يعلمني كيف اسويها بلليز

هذي طريقتي ما ادري تطلع نفس الي كلتيها ولا لا
المقادير
فطر مقطع صغير ع الاخر
ملعقة طحين
مكعب ماجي
وقشطه
وشوية زيت
وماي اربع اكواب واذا حسيتي انها تحتاج اذياده ذيديها
الطريقه
شوحي الفطر في الزيت ثم حطي الطحين وقلبيه ليما ريحته تطلع ثم صبي الماي عليه مع الاستمرار في التقليب
ثم مكعي الماجي واذا بغيتي الذيدي ملح ممكن
وقبل ما تطفي النار بديقيقتين حطي القشطه مع التقليب
وبالعافيها
عاد لا تنسي تخبريني رايج

أنا طريقتي لشوربة المشروم غير مثل طريقة شوربة السي فود .. ماشاء الله تبارك الله .. الكل يمدحها شوربتي .. الله يحفظني خليجية

أحمر البصل الأحمر + البصر الأخضر على حسب الرغب .. ثم أضيف المشروم المقطع .. ( أو يمكن اضافة فليفلة أو جزرة مبشورة ) على حسب الرغبة ..

تضيفين ماء على حسب الرغبة .. مقدار 3 أكواب ..

وعلى طول الكوب الرابع ( حطي فيه حبة ماجي + ملعقة كستر + ملعقة نشا إن وجد + ملعقة قشطة أو حليب نيدو على حسب الرغبة )

واستمري في التحريك ..وإتخلينه يفور ويغلط شوي .. وإنتي تحكمي إذا تبينها خفيفه أو غليظة .. بإضافة الماء والملح حسب الرغبة .

وأخيرأ اول ما تسكرين النار .. افرمي الشبت إذا تحبينه أو البقدونس .. ورشي عليه شوي من فوق خليجية

وادعيلي بظهر الغيب .. وخبرينا رااااااااااايج ظروري أول ما تجربينها .

المقادير:

– 4 أكواب حليب سائل
– 4 ملاعق دقيق
– مكعب ماجي
– فطر طازج
– ملح
– فلفل

الطريقة:

– يخلط الحليب والدقيق جيداً ثم يوضع على النار ويحرك إلي أن يصبح المزيج متجانس ثم نضيف له مكعب ماجي
– ثم نحركه بإستمرار علامة نضج المزيج : ظهور فقاعات الغليان
– وأخيراً نضع الفطر بشكل تقديري على حسب الرغبة
– ممكن استبدال الفطر بالدجاج أو الجبن