شوفوا كيف حياتي الزوجيه

السلام عليكم ورحمة الله وبركاته
اشحالكن يابنات

عساكم بخير وسهالة

أكيد من بتقرون العنوان بتدخلون على طول لان احتمال العنوان يكون ملفت

سؤالي هو
.
.
.
.
.
.
أذكري موقف ماقادرة تنسيه من كثر ماكنتي متاثره باسلوب ريلج فيه وبشو حسيتي هلى سعدتي لتصرفه او زعلتي او عرفتي اشكثر ريلج يحبج فيه

بالنسبه لي اتذكر ريلي واقف جنبي يوم فتحت عيني من عمليه اتسوت لي وحسيت فيه يوم يبوس جبهتي وانا نص ناشه من التخدير وغمضت عسب لا يحس اني حسيت فيه

حسيت بفرحه ماتوصف وقلت الله يخليه لي

الله يخليكم لبعض وما يفرق أمبينكم يارب

أنا أتذكر يوم كنت بولد ببنتي وودوني غرفة الولادة وريلي ما كان موجود .. وقبلها قلتله تم وياي أباك تحضر كل لحظه أمر فيها لأنها الأولى بحياتي .. ولكن لا حياة لمن تنادي ( ريلي عنده من قبل عيال ومره عليه هالموقف مرتين)

ما حس فيي اطمن عليي ( على قولته ) وسار البيت يتابع مباراة إلين أتصل وأقوله أني بولد و تميت ويا أمي و أختي

والله موقف مول ما أنساه فيحياتي

م إني أسألك في صلاتي ودعائي . بركة تطهر بها قلبي، وتكشف بها كربي ، وتغفر بها ذنبي ، وتصلح بها أمري ، وتغني بها فقري ، وتذهب بها شري ، وتكشف بها همي وغمي، وتشفي بها سقمي ،
وتقضي بها ديني، وتجلو بها حزني ، وتجمع بها شملي ، وتبيض بها وجهي

حلو موضوعج ربي يحفظ لج بعلوولج ..^^

ذكرتيني بموقف فيه وااايد حمدت ربي ان الله رزقني بها الريال
يوم ربيت تخيلي تم وياي سهران والله يومين ما رقد والله
عند راسي ماراح
استعسرت علي الولاده واايد وتميت يومين من العذاب المتواصل …
بس ما هدني ولا لحظه
حسيت بفرح مع اني كنت فحاله ما يعلم بها غير ربي
كان يقرى علي ويبوس ايدي
كان واايد متنرفز ويصرخ ع الدكاتره عسبة يسوون لي شي
حسيت انه خايف علي واايد تاثرت من ذاك اليوم
واايد كان مقويني
اخر شي سويت ابرة الظهر
الله لا يحرمني منه يوم شفت دمعته كان يحاول يخبيها بس انا شفت لوووول ^^ والله ما تتصورين كيف حسيت
حسيت ان صدق هالريال اللي بأمن اعيش وياه العمر كله
^^
بنات بليز قولو ماشا الله
الله يحفظه لي ولا يحرمني منه

انا ولا مره حسيت انه يحبني حتى بولاداتي ماهتم اعرف انه يحبني بس ساكت ومايبين لو الموت من جيه ماحس انه يحبني

نفس الشي موقف مول مانساه بحياتي انا بحاله وهو بوادي ثاني خلاص مالي خاطر اربي مره ثانيه بس الفرق زوجي ماعنده قبل عيال