بنات زااااااااايد
اخبااركم علومكم
اممممـ الصراحه ما اعرف من وين ابدي لكن انا عندي مشكله معقده الصراااحه
شو اسوي واااااااااايد افكر فيها وشاغلتني عن ممارسه حياتي الطبيعيه ومضايقه منها
بقولكم …~!! على طريقه قصه وعاد انتوا فهموا
بسميلكم
الريال : احمد
البنت : شيخه <<< اناااااا ^^
القرب : احمد اخو حرمت اخو شيخه يعني نسايب
احمد يتيم اب تربى على انه كل شي مستجاااب له واذ ما صار اللي يبيه بيسوي شي فعمره ( اييرح ايده ..يعزل نفسه فالغرفه . طول الوقت مضايق ومعصب )
شيخه تربت على ايد ريايل ما يعيبها دلع البنااات كل شي عندها سيده وعمرها ما ضهرت مشاعرها لغيرها سوا بنت او ولد وتربت على منهج الريايل .. واهلها شويه مشددين عليها وهي بالعكس ما
حاولت انها تطلع من هالقوانين اللي فبيتهم الا انها توافق اخوانها على هالقوانين ومتقبله وضع بيتهم وقوانينه وعايبنها الوضع … ماخذه طبع الريايل اغلب من البنااات ………………..
احمد يحب شيخه وكل اللي فبيتهم اقصد منطقتهم بكبرها يعرفوا هالشي يعني احمد قايل حق ربعه بس ما يقول اسمها يقول انا احب وحده وجيه
وامه قايله للحريم انه شيخه لاحمد وجيه بس بدون علم اهل شيخه ..
بعض اجتماعات العايلتين خوات احمد ينغزوا شيخه بالرمسه هي تسكت عنهم لانه تعرف اذ رمست ممكن يزعلوا منها .. بس كذا مره تبين لخواته انه هي ما يهمها لو رمسوا من اليوم لعشر سنين جدااام ..
واحمد كل مره يطرش اخته عساس ترمس شيخه عنه وتلين حقه شويه لكن شيخه مووووووووووووووووووووووووول صادتنه من القووو بس عقب سنه من المحاولات .
اجتمعوا اهل احمد مع اهل شيخه البناااات والشباااب كلهم كبار وصغااار شيخه ترمس هذا وهذاااك
وترمس عيااال عمها وعيااال خالها والوضع عااادي عندها مسموح لها ترمس الشباب لانهم من اهلها مب حد غريب
بعد ما فرغ المكااان من الاهل ضل احمد وخواته وشيخه وخواته واخوانه الصغااار يعني الكبااار طلعوا من العزيمه
شيخه قامت للمطبخ قام احمد لحقهااا وكلمها وقال لها انه يحبهااا بس شيخه صدته وقالت انا اختك مب من الشااارع يعني فيه فرق لكن هو اصر انه يكمل كلامه باختصااار فورقه عطاااها لها وراح عنها ما ترك لها فرصه انها ترمس بس هي من دخلت المطبخ قرتها
ومن ضمنها سوالف الحب والخرابيط وتوابعها احتفظت فالورقه وما ردت على احمد لناه يتريا ردها من اخته .
مرت سنه وشيخه مطنشه هالشخص بس اللي ملى تفكيرها انه هو للحين ولهالساعه وكل مره يطرش اخته فيوم من الايام اخته اتصلت على فون ام شيخه طالبه شيخه
بس اللي كل شيخه مب اخته كلمها احمد وهزئته وسكرت فويهه بس هو ماااتاب
رد اتصل بعد اسبوعين من الحدث يعني السالفه وصلت للفونااات وهددته اذ عادها بتخبر اخته اللي هي حرمة اخوها ….
ما قااام يدق على فون امها بس الا صااار انه ضافها من ايميله كلمها على اساس انه بنت
مرت سنه ونص وهي يكلمها على اساس انه بنت وهي وثقت فيه وترمسه على اساس انه بنت
بس عقب اكتشفت انه ولد بس ما تعرف انه احمد عصبت عليه وحذفته .
يعني شيخه خلاااص ملت من الموضوع وصبرها نفذها ما ترووم تخبر اخوانها ما تبي تسوي مشااكل
وشيخه متعوده تحل مشاكلها بروحها بدون تدخل حد لكن هني هي وقفت ما عرفت شو تسوي صدته
اهانته بس ماشي فااااايده موووووووووووووووووووول يعني طابق فيها
وهي خلاااص قطعت العلاقه بينها وبين خواته يعني ما تبي تشوف اي حد من طرفهم
صارت علاقتها فيهم سطحيه بعد ما كااانت قويه بين البنااات لكن احمد خربها .
بعد فترة تقدم احمد لخطبة شيخه ولان شيخه تدرس بعدها فالمدرسه فما اعطت للموضع اي اهمية
كل همها الدراااسه وبس … بس امها ردت عنها بالموافقه وهي ما تعرف شو مسوي احمد قبل لا يتقدم
ويوم عرفت شيخه انه امها ردت عليهم بالموافقه زعلت عليهم وانقلب حالها كل تفكر كيف انخطب وانا بعدني ادرس بقابل ريلي ولا بقابل الدراااسه وصارت الخطبة الرسميه بينهم وشيخه رضت بالموضوع وصلت الاستخاااره وارتاااحت بس تمنت لو انه امها تريت ترد عليها ولا تفاجاه بالموضوع ..
خلاص يعني الكل يعرف انه شيخه خطيبه احمد رسمي ..وقام احمد يرمس شيخه بالفون
وشيخه ترمسه على اساس انه خطيبها ومر على خطبتهم سبع شهووور وفهالشهوور تقدروا تقول انه شيخه حبت احمد من كل ينااابيع قلبها تفدااااه بروحها وبقلبها وكل يعني هو صار الشغل الشاغل فحياتها …. صح صار سوء فهم بينهم واااااااااااااااااااااااااايد لكن حلوها بينهم وبين نفسهم
وفهموا بعض …
بس شيخه للحين حياة الرجوله او عادات الرجوووله فيها ما تخلت عنها اما احمد بعده على حااله
يعني احيانا يطلب من شيخه انهم يطلعوا مع بعض بس هي ترفض هالشي لانه بعدهم ما ملكوا
وشيخه بصعوبه تطلع منها المشااعر الطيبه يعني الا لين ما تتعود على الشخص جدامها
صح تقول لاحمد كلمه حلوه لكن مب شكل مستمر واحمد يبا زياااده بس شيخه تقول انته بعدك ما صرت ملكي يعني ما صرت ريلي كيف اقولك هالسوالف وسبحااان الله افترقنا وما صار نصيب
يعني شيخه دائما تتوقع الاسوء بس تفكر بالموضوع من كل جوانبه الا احمد يفكر من جانب واااحد
والشي اللي يعيبه ما يهمه شي ….
مثلا:
_ احمد يقول كل اللي بخاطره بشيخه وهي تسمعه بس يوم هي بتقول بيزعل (واااااااااااااايد حسااااس ) يعني هالشي مناافي لطبيعيه حياة شيخه هي مب حسااسه ييعني ما تهتم لاي كلمه تسمعها
اطنش
_ احمد بيكلم شيخه بموضوع وهي بتناااقشه ما يعيبه يباها تسمع رمسته وخلاااااااص
شيخه تعودت تعطي رايها وتقوله انا مب اني ما اسمع رمستك انا اعطيك شور رااي بس هوو ما يحب جيييه
_احمد يبا شي.. شيخه ترفض ما تحب تسووويه بدون علم اهلها (اهلها اول القائمة عندها )
وعقبين سائر البشر
_ احمد يقولها ابي …… هي اول ما تسمع اول حرف من الكلمه تغطي اذنها ما تبي تسمع شي
مب من حقهاااا
_احمد يبيها تستاذن منه قبل لا ترووح اي مكاااان ..هي تقول له انته مب ريلي عشان استاذنك
ووواااايد يتحكم بتصرفاتها يعني لا اضحكي جي ولا ترمسي جي ولا تسوي جي هي تحس انها
مكبوووته يعني احد يااامر عليها يقولها شو تسوي وشو ما تسوي وهي ما تحب جي يعني عمرها ما رحات على شور احد دومها شورها فراسها لانه هذا اللي تعلمته من اهلها انه كل واااحد شوره ورايه
الحييييييييييين المشكله العوووده .
انه صارت مشكله بين العيلتين يخص البنات والاولاد فقام اخو شيخه الكبير قال احمد ما نباااه
وشيخه من سمعت هالرمسه قالت: اللي اهلي ما يبووووه انا ما ابييييه .
وفصخوا الخطبه يعني شيخه مب خطيبه احمد
المشكله انه احمد بعده يبا شيخه ويلاحقها فالايميل ويطرش اخته (عادت حليمه لعادتها القديمه)
وشيخه على كثر انها ما تحبه ما تبيه لانه اهلها ادري فيها وادري بمصلحتها
واحمد قام يتصل لشيخه ويبا يطلع معاااها وهي رافضه رفض قااااطع وتقوله سير خذ لك بنت الحلال
وهي يقول انا ما بخذ غير وحده اسمها :شيخه فلان بن فلان الفلاني اللي هي خطيبته السابقه
بس الحين شيخه متصدعه من احمد مصدع فيها بشكل ما تتصورونه وهي خلاااااااااص ملت منه
يعني ما تحب الريال اللي يخضع للحرمه خلااص وحده ما تبيك غيرها مليووون تكون ما تكون
وللاسف كل ما ترووووح مكاااان يلحقها يعرف وين رايحه وين يايه ويعرف كل تحركاته
وللحين مصر انه كل ما تطلع لازم تخبره الرياااااااااااااااااااااال مجنون فيها تعرفون شو يعني مجنون فيها يسوي اي شي فعمره عشانها
وهي ما تقدر تسويله شي
واخته (مب حرمه اخوها ) كل ما ترمسها عن احمد شيخه تسكتها لانه مالها خص باحمد
ما في شي يربط بينهم
يعني احمد يلاحق شيخه وهي خلاص عافت الدنيا والسبب هو صارت ملازمه البيت والسبب احمد
وردوا اهل احمد ينغززوا شيخه على اساس انه للحين خطيبته ما فهموا انهم خلاااااااااص
احمد ما يربطه شي بشيخه
وشيخه متعقده من هالامر يعني كل ما سارت مكان لازم سيرة احمد فالمواضيع تضااايق من الجماااعه
وتقوم عنهم صارت بروحها بعد ما كانت اجتماعيه عساس ما تسمع طاري احمد
صارت هاااديه بعد ما كاااانت حشره البيت والخريشه والربشه فالبيت والسبب احمد وطاااريه
تعقدت من واحد اسمه احمد يعني خلااااااااااااااااااااااااص تتمنى انها ما ارتبطت فيه ولا سمحت لهم انها يتكلموا عنه جدامها
وبعـــــــــــــــــــــــــــــــــــــــــــــــ ـــــــــده احمد مصر على شيخه ما يبا غير شيخه
ما على لسانه غير شيخه
شوفووووووووووا لها حل مب قادر تركز فدراستها وهي محطيه فبالها انها تيب نسبه عاليه ترفع راسها فوق وتحطم الرقم القياسي فبيتهم تحدت الكل عساس النسبه
بس بين فتره وفتره لازم يدخل فبالها هالاحمد
تعبت من التفكير تعبت من الوحده قاعده روحها
ادري اني وااااااااااايد كتبت وجيه بس ابي حل ابي ارتااااح خلااااااااص مليت من هالطاااري
مليت من سيره العروووووس والريايل ابي حل ابي ارتاااااااااااااااح من هالهم اللي ملازمني
والنفسيه ازفت منهااااااااااااااااا مااااااااااااااشي خلاص
شو اسوووووووووي دخيلكم ساعدوووووني لاني مب قادره اركز على شي
واخيييييييييييييييييرا : فليقل خيرا او ليصمت
اول شي امج وافقت بدون شورج و هذي منافي لديننا الاسلامي
ثاني شي اخوج فصخ الخطبة بدون شورج خاصة ان المشكلة اللي ادت لفصخ الخطبة ما تخصكم انتوا الاثنين يعني
احمد مظلووم فهالجانب
ثالث شي اكبر غلط انتي سويتيه انج كلمتيه قبل الملجة و هذا ما يجوز لان مافي بينكم عقد شرعي يسمح له ولج ان تسولفون مع بعض ع راحتكم و الحمدلله انج انتي عاقلة وواعية و ما تماديتي معاه
الحل الحين انج تسوين طاف للموضوع لان مافي شي رسمي بينكم و كل حد يفتح لج الموضوع لا تردين عليه و عقب فترة بيملون و حاولي تشغلين عمرج فالدراسة ولا تفكرين فيه
و الله يعينج اختي وتييبين النسبة اللي تبيض الويه ^ـ^
وعموما اذا ربنا كاتبلهم نصيب بياخذوا بعض واذا انقطع النصيب فلا حول ولا قوة الا بالله
واكيد بيي يوم بيمل وبينشغل بموضوع ثاني لأن المشكلة عنده مب عندكم
وربنا يوفقج لما يحب ويرضى
وبنظري خلي أخوج الكبير يتصل له ويقوله أبغى اشوفك
يتواعد معاه ويكلمـه وجها لوجه
يخبرها انج متأذية منه وانتي اشتكيتي له وانه ما يبغاه يتواصل وياج مرة ثانية
صدقيني يمكن الريال يرضي يذل عمره للحرمـة لكن مافي ريال يذل عمره لريال ..
والله يصلح النفوس
وأنا مَ’ـّنَ رأيي فكري عدل وردي له لأنه يحبج ونادر ماتلاقين واحد يحب وحدة
هالايام فكري عدل وفالنهاية الرأي رأيج
لاتخلين أسم وطاري أحمد يأثر فيج دام يأثر فيج معناته للحين باقي له بقلبج شي
وحطي في بالج أنج تجيبين نسبة عالية ويمكن أحمد يكون سبب رئيسي بنزول هذه النسبة