شوفو شو صار معاي في الدوام ….
أنا موظفة في القطاع الخاص …. بالتحديد في أحد البنوك الأجنبيه ….
طبعا كلنا عارفين عن الأزمة الماليه المستويه في العالم ….. إلي صارإني كنت طالعه إجازة وضع … و يوم جريب بتخلص إجازتي سرت إدوام عشان اشوف الوضع عندهم ….. عشان المفروض ينقلوني
من القسم ززز بسير قسم ثاني …. المهم قبل النقل ربيت ….
أمس قالولي تعالي في إجتماع بخصوص القسم اليديد ….
إتخيلو شو قالولي في الإجتماع
؟
؟
؟
؟
؟
؟
أونه عندج لين نهاية فبراير عشان تنتقلين من البنك و لا بيفصلوني …..
أونه ما عندهم مكان حقي ؟؟؟؟
أنا إنصدمت ؟؟؟؟
أولا : أنا مواطنه
ثانيا: خريجه جامعيه (بكالريوس )
ثالثا:أنا وياهم من سنتين
طبعا فجييت حاجي و بديت أصيح من الصدمه ……
ألحين ما عرف شو بسوي ……
و إلي عرفته إنه وايد في القطاع الخاص يالسيين يفصلون (مواطنين)
ليش؟؟؟؟؟
مب حرام ؟؟؟؟
شوفو المقارنه بين الموظف المواطن و الموظف الوافد(فئة معينه)
المواطن : راتب على قدنا حتى لو جامعي
الوافد:رواتب بال 70-و 100 ألف شهري
المواطن:تأمين صحي … يدوب إغطي الأساسيات و مستشفيات معفنه
الوافد:لازم التأمين إغطي المستشفى الأمريكي
المواطن:بدل السكن 2024-4000 يوم إنقول ما إكفي …إقولون إنتو مواطنين الدوله تعطيكم
الوافد :إأجرونله شقة أو فله لو كان لونه أحمر …. فاهمين طبعا
المواطن:ماشي بدل تعليم الأولاو …أو يعطون المبلغ الكلي 10000 (ولدي pre kg أدفع 14 ألف )
الوافد :20ألف لطفلين
المواطن:يكرف من الساعه 8الصبح لين 6 المساء…. يرجع البيت هلكان
الوافد:يلعب من أول الصبح لين الساعه5 … بعدين يبدأ الشغل … و ما إروح لين الساعه 9 … حق الovertime
والله يا بنات إنه هذا كله صار جدامي
بنات أنا حطيت الموضوع عشان نتناقش و تدعولي إني استوعب الصدمه
الوافدين لاعبين لعوبهم والمواطنين الله يكون فعووونهم
والله اختيه مادري شقولج.. جان اتصلتي البث المباشر وشكيتي حالج يمكن يسوون شي
الله يعييييييينج ان شاءالله
وحقج لا تتنازلين عنه وربي اييسر أمرج يارب ويسهله
موفقة يارب
فديتج شو تبين في مكان كله يتعامل بالربا
الله الغني عنهم
والله هذا خير وفير لج
ورب العالمين يبالج الاحسن
ياليت تستقلين وتفكين عمرج من الحرام
الله ييسر أمورج
بس والله انا بعد اداوم في بنك من البنوك الاسلامية والله يا اختي اني اكرف من الصبح لين العصر
ومع هذا اونه انتي ما تشتغلين
وهم كل وقتهم اكل وسوالف وطلعات يخلصون شغلهم فيها
والله اني ما اجذب في اي كلمة قلتلها