توفى اعز واحد من اخواني بحادث سياره الله يرحمه وكان يحب امي حب مب طبيعي وكان الدنيا بكبرها كوم وحبه لامي كوم ثاني يحبها يدلعها فوق الوصف وتوفى بحادث سياره وهو رايح الدوام وصاب امي حزن عظيم ماينوصف حزن حزن حزن ولو اكتبها مليون مره ماتكفي وكانت تصيح عليه بكل مكان تكرمون حتى بالحمام وامي انسانه مامتعلمه لاتكتب ولاتقرا ودوم شاله الرادو ع اذاعه القران الكريم وتسمع وسبحان الله قامت بروحها تتعلم حرف حرف وتكتب جمل عشان تبا تقرا من امصحف وحتا احيانا كنا نضحك من كثر ماتشد حيلها واشترت شنطه عوده وترستها كراسات واقلام والوان وتسير بشنطه كل مكان وعقب قالت صعب وماروم اتعلم ومااعرف سارت ويابت مصحف عود وخذت مسجل واشترت جزء عم وتمت اتبع من المصحف وتسمع وماشاءالله وتبارك الرحمن اللحين واصله المزمل تقراوتحفظ واليوم كنت اسمع لها لان كانت يايه اتزورني وسبحان الله قبل غير المعوذات والحمد مب حافظه يحليلها وحتى اللحين الحمدالله احسها فرحانه وكله شاده حيلها وتحوط كل مكان بالمصحف وسبحان الله اختي شافت بالمنام اخوي المتوفي يقول لها زين خلي امي تحفظ وتقرا وبتشوفني بالجنه الله يرحمه ويرحم جميع موتى المسلمين ولاتنسون تدعون للوالده ان الله يشفيها ويعافيها ويسهل عليها حفظ القران الكريم
الله يشفيها ويعافيها ويسهل علينا وعليها حفظ القران الكريم
الله يشفيها ويعافيها ويسهل عليها حفظ القرأن الكريم
ويرحم اخوج ويغفر له ذنوبه
ويسكنه فسيح جناته
ويرحم اخوج ويغفر له ذنوبه
ويسكنه فسيح جناته
هذه الأم تستاهل بوسة كبيرة على الرآس وريلها فديتها ربي يحفظها لكم ، سلمي عليها وشجعوها وماشاء الله عليها
الله يشفيها ويعافيها ويسهل علينا وعليها حفظ القران الكريم
الله يصبرها ويعطيها الصحه والعافيه بوسسسسسسيها عراسها بالنيابه عني …
الله يشفيها ويعافيها ويسهل علينا وعليها حفظ القران الكريم