شحالكم حبوبات
ابا اخذ رايكم بشين الا و قبل العرس يوم الخطيب و الخطيبة يلسون مع بعض مع وجودالمحارم و كل واحد فيهم يقول شروطة , هالشي زين ؟ و لا لاء
يعني الوحده تسمع الريال و هو يقول شروطه و هي تقول شروطه
و ثانيا هو السكن بعد العرس
شو احس ان الوحده تسكن مع اهل ريلها و لا روحها ؟
مع العلم ان اهل الريل ناس اوكيييييي مب مال مشاكل اهم شي عندهم سعاده ولدهم
و اذا الوحده سكنت مع اهل ريلها كيف تتعامل معاهم ؟ يعني اذا كانو نحوس شوي
و بث
مشكورين حبايبي
و موضوع السكن لو تعيشين بروحج احسن يقولج ابعد حبه تزيد المحبه
و المشاكل بين اهل الزوج و الزوجه وارده حتى لو هم ناس اوكي
بس تفاديا للمشاكل الوحده تسكن بروحها و خلاص
و تاخذ راحتها اكثر بعد
بس بالنسبه للسكن شكلي بنضم لحزب " بيت اهل الريل" مع اني فخاطري اقول مابا
الصراحه لو الريال قادر على بيت بروحه ليش لا .. هو في النهايه اكيد بتطلعون من بيت اهله .. وبتاخذين راحتج وخاصه اول الأيام .. انا أؤيد انه يكون للزوجين بيت لحالهم .. والله يوفقكم ياربما اروم اجابل 4 يدران و هو برى لازم حد
^^
بس عقب اذا صار عندج درزن عيااال هههه الاحسن في بيت رووحج
بس يشوفها فالشوفة الشرعية
والشروط كل واحد يخبر اهله ويتم الاتفاق عليها من بعيد بعيد
وعقب الملجة كيفهم ييلسون ويا بعض
وعن السكن
حد يعيبه يتم ويا اهل الريال
وحد لا
على حسب اهل الريال ،، مادري ..
بس لو عني انا اكيد بطلب بيت بروحي
