شو احسن مدرسة ل كيجي 1 الشويفات الظبيانيه )

للرفع

انا بنتي كانت في الشويفات … و طلعتها و بتبدا دوام في اكادمية زايد الاسبوع الياي ..

شوفي مع انه بنتي السنه الي طافت كانت في حضانه و مرتاحه و مستانسه .. يوم دخلت الشويفات تعقدت نفسيا …جنها جيش مب مدرسه ..انزلها تصيح اي اشلها تصيح …في الحضانه ماسوت الي سوته في كي جي 1

وايد مشددين و تغمضني من 7:45 لين 3:15

اذا انا في الدوام لين 3 اهلك ..فمابالج اليهال …حرام نكرهم في الدراسه من البدايه ..

وهذا راي

علشان جي اختي ادور لها مكان مايكون ضغط حق شو اعقدها من هي صغيره لاحقه على الكراف يوم بتكبر حلاته تروح وترد وهي مستانسه مثل الحين الحمدلله من ترد الحضانه تتلحف تبى تردلها

ها كله يعتمد بعد على الجو الدراسي والمدرسين كيف يتعاطون ويا الطلاب

يالله يعين بنتج

بس خبريني عن تجربت بخصوص الاكاديميه لاني اتشاور للحين عليها

مرحبا ختيه

حبيت افيدج بخبرتي بخصوص مدارس ابوظبي وخاصة ان عيالي في مراحل مختلفه

عندج مدرسة الشويفات انا ما انصح فيها مع ان منهجهم ودراستهم قويه بس المشكله انهم يضغطون على الياهل في الدراسه وتلاحظين ان الطالب عندهم يطلعلج جامد،، وغير ان المدرسه ما عندها نشاطات ابدا وحتى الاحتفالات مثل احتفال العيد الوطني ما يحتفلون فيه !!

اكاديمية الشيخ زايد، مدرسه حلوه ونشاطاتها متعدده وبتحبها البنت،، وهم يتبعون المنهج الامريكي في دراستهم بس اللي عرفته من ربيعتيه عيالها موجودين في الاكاديميه السنه هذي ان المدرسه بدا مستواها ينزل شوي لان الاداره تغيرت،، وانتي لا تعتمدين على هذا الراي فقط واسالي اكثر من شخص عنها لأن بنت عمي بناتها في المدرسه بس ما تشتكي منهم

مدرسة الخبيرات،، من راي الشخصي افضل مدرسه من بين المدارس اللي حطيتيها،، منهجهم بريطاني قوي ويطلع الطالب عندهم متاسس قوي بس للأسف المدرسة نادر جدا انج تحصلين فيها مكان لكثرة الأقبال عليها،، بس الله يكتب لبنتج التوفيق فيها

وبالنسبه لمدرسة الظبيانيه ما اقدر افيدج فيها لأني اول مره اسمع بها !!؟

وبما انج حطيتي اسامي هذي المدارس فانا استنتجت بانج من داخل بوظبي فبعطيج اسامي لبعض المدارس داخل بوظبي اللي تعتبر من اقوى مدارس بوظبي على الاطلاق من جميع النواحي

عندج اكاديمية الدار اللي تشمل مدرسة (الياسمينه) هذي في خليفه أ فما بتنفعج،، عندج مدرسة المنى ومدرسة اللؤلؤه بعد تابعين للأكاديميه وتعتبر من افضل واقوى المدارس وصح ان رسومها غاليه بس تستاهل

عندج مدرسة برايتون كولج سكول اللي بتفتح على السنه اليايه وهاي فرع لمدرسة من اعرق مدارس وكليات في بريطانيا،، وللأول مره بيفتحونها في بوظبي واتوقع ان منهجهم وتاسيسهم بيكون قوي،، ومكانهم على كورنيش القرم

وبخصوص مدرسة منصور بن زايد هذي مدرسة الإمارات الوطنيه،، عن تجربه المدرسه فاشله من كل النواحي (الدراسيه،، والإداريه) كان ولدي فيها بس للأسف ما استفاد منها وغير المشاكل اليوميه اللي كنت اعاني منها وللأسف الاداره ما تتعاون معاج،، وتبين تعرفين عن المدرسه اكثر راجعي مواضيع الحريم اللي في المنتدى وبتشوفين الكم الهائل من الشكاوي اللي عليها

امممم تقريبا هذي كل اللي عندي واذا عندج اي استفسار حاضرين وبالشوف،، واتمنى انج تحصلين مدرسة تناسبج وترتاح فيها بنتج

ماقصرتي اختي كفيتي ووفيتي يزاج الله خير كلامج صحيح لاني سامعه عن هالمدارس اللي ذكرتيها وقلتيها بمصداقيه

اليوم سويت اتصالاتي على اغلب المدارس واغلبهم التسجيل شهر 2 و 3 بس الخبيرات استغرب اقول كيف الاهل اللي مايعرفون انجليزي يتعاملون ويا الاجانب اللي فيها !!! لاني حسيت عمري فبريطانيا والحرمه تكلمني خخخخخخخ

انا حطيتها فبالي المنى واللؤلؤه واعرف انهن شرات الخبيرات فالتدريس وتابعات للدار العقاريه والياسمين بعيده علي اما المنى واللؤلؤة بعيده عن دوامي والصبح زحمه فضيعه فبوظبي وخاصه انهن داخل مناطق سكنيه وشو بيطلعني منها

علشان جي اخترت هالمدارس القريبه من نحايه الافضل والاحسن والمناسب من كل النواحي

انا عندي عيال عم بنتي ماشالله كل حد في مدرسه يعني من كل بستان زهره

بس اغلبهم اولاد وتعرفين الاولاد مب شرات البنات

بعدين ابوها يبالها مدرسه بنات والبريطانيه اكثرهم لين اخر مرحله مختلطه

وعيال هالزمن مب شرات ايامنا

مجربين مدرسه الامارات الوطنيه معنه حد منهم يمدحها

الخبيرات يمدحونها بس اللي اعرفهم يتكلمون انجليزي اكثر من عربي وانا ماحب جي

الشهب مجربينها حد مايمدحها

الشويفات الاراء مختلفه عليها

حتى الورود ينجحون حتى لو الطالب مب شاطر (تخيلي سامعه واحد عليه دور ثاني والمدرس دق للام يقولها لاتحاتين خل الولد يكتب اسمه وبنجحه وصدق نجح )

الاكاديميه يقولون ادارتها الحين احسن عن قبل ومهتمين اكثر والله اعلم ماعندي حد من الاهل قريب مجربنها اللي اعرفهم من بعيد

بوظبي الدوليه والنهضه حاطه اكس عليهن مادري مش مريحات معنه عيالنا فيها بس احس ماتناسب بنت اشوف من كل الاجناس فيها خاصه بوظبي الدوليه ..اشوف الصبح اولاد ماتقولين رايحين مدرسه جنهم رايحين حفله

الظبيانيه تابعه للاتحاد النسائي بس ماعرف منهجهم شو بالضبط وهل هي خاصه ولا حكوميه اسمعها دوم يطرونها فالاذاعه الصبح

برايتون هاي اول مره اسمعها منج وين مكانها ؟؟ولاي صف بتكون