شو اقدر اعطي بنتي اللي بتكمل ثلاث شهور من اكل الاطفال

السلام عليكم

بغيت اعرف متى اقدر ااكل بنتي وشو اقدر اعطيها من اكلات الاطفال

هل الحبوب اتناسب هالسن .. ولا بعدها

قبل كانوا يعطونا عصير البرتقال .. والحين الدكاترة اتقول لا تعطونهم شي الا ما يكملون 6 شهور واحس صعبه .. بنتي الله يحفظها وايد ضعيفه .. وانا عندي فقر دم ونقص في الكالسيوم والبروتين

كيف الرضاعه الطبيعية بتكون مفيدة لها وانا اصلا عندي كل هالنقص ..

تريي عليها لين تكمل 4 شهور وابدي وياها بالبسكوت لمدة اسبوع وبكميات قليله عشان تتعود..وفي الاسبوع الثاني جربي وياها خضروات احسن شي للبيبي الكوسا والقرع اما البطاطس والجزر مره في الاسبوع وفي نفس الوقت استمري على البسكوت في الاسبوع الثالث جربي وياها التفاح او الكمثرى المهروسه …يوم بتكمل 5 شهور دخلي العيش ويا الخضروات ..يعني درجي لها يوم بتكمل 6 شهور ترومين تعطينها عصير برتقال مخفف وسيريلاك +بيض مهروس بس بكميه بسيطه

^ــــ^

هلا اختي

انا ربيعتي كانت تعطي بنتها من عمرها شهرين فواكه ماشاء الله

انا من وجهة نظري مااؤيد تعطيها شي من الحين بس تقدرين تعطينها عصير برتقال

وتاكلينها شوي شوي من الفواكه المهروسه او شرات ماقالت الاخت البسكويت

فارليز خلطيه ويا حليبج شوي وعطيها وان شاء الله بترد عافيتها واهتمي بصحتج حبوبه ^_^

حبيبتي ابعدي عن عصير البرتقال انا اعطيته لولدي على 9 شهور بس بنتك بعدها صغيورة على الأكل بس إذا ما عندك حليب كفاية أعطيها حليب خارجي و الأكل بكل انواعه بعد 6 شهور

ساعديها بحليب صناعي حرام عليج شو تأكلينها من الحين معدتها ما بتتحمل

اب اب اب

فديتج الحين ما يحتاااي تعطينهااا اي اكل..

حليج بالحليب او الحليب الصناعي اذا ما يكفيها حليبج وسوي لا بين الرضعااات يانسون او مثيبه او بابونج واايد زين للياهل في هذا السن..ويساعد على طرد الغازات ويخفف المغص..

حتى النعنااع خذي كمن ورقه من النعناع وصبي عليهن ماي حار وخليهن 10 دقايق الين يتغير لون المااي اصفر وعطيها اياه وااايد زين للغازات..

ويوم تكمل اربع شهور مثل ما قاللج الخوات..دخلي لها الاكل بالتدريج وبطريقه مخففه..