شو الاواني المهمه في كل بيت

مرحبا بنات احترت من كثر الاواني والاطباق اللي اشوفهن وما اعرف شو الاواني المهمه اللي لازم اشتريهن تكون عند كل حرمه انا معرسه تو حابه اعرف اكثر عن المواعين ماريد اشتري اي شي واخسر فلوس ع الفاضي .. والمشكله ماعندي مطبخ احط الاغراض في كبت في قسمي خليجية

بليز اللي عندها نصايح تساعدني انا حابه اكون متميزه في بيت اهل زوجي ..

اشتري طقم صحون متكامل من اكواب وصحون ومال الشوربه وغيره
اذا عندج مطبخ خاص بتحتاجي جدور للطبخ ومقلاه للقلي وطبعا سكاكين وملاعق وملاليس
وبتحتاجي صينيه لتقديم شي للشاي وشي للتقديم الخفايف
بعد حرارات الاكل اقل شي بتحتاجي وحده
هذا الشي بيكفيج مبدئين
اما لو ما عندج مطبخ خاص ولا راح تطبخين
اعتقد بيكفيج طقم الصحون المتكامل مع اكواب للماي والعاصائر وطقم سكاكين وملاعق الاكل الي يكون طقم سكاكين وشوك وملاعق وصينيه تقديم وفي بعد عربه للتقديم حلوة تحطين فيها الاكل وتدفينها لوين يكونوا الضيوف
وان شاء الله البنات يفيدوج اكثر