شو الحـل مع الريل الصامت اللي مايعبر

السلام عليكم
بنآت انا مليت آالله مليت آنا رومآنسيه وايد وآحب ريلي يزقرني بحبيبتي بقلبي بروحي مثل بآجي البنآت مايزقرني الا بآسمي و آهو مايعلق كلشششششششششششش على كشختي على لبسي والكل يتمدح بكشختي حتى اني اقول بنفسي ليش آكشخ وهو ساآكت وصرت اآكشخ للكل وعنده عاآدي
حاولت اآحبه ماقدرت مايطلع اللي بخاطره ادري انه يموت فيني وعلى عينه وراسه بس تعبت ااآنا معرسه عشان اآسمع كلام حلو , اآييبله هدايا واسويله ليالي رومانسيه ابى كلمه شكرا؟؟؟ مايقول شكرا
يقول يايبه لي كل هذا؟ بس جيه ولله مره ومرتين ماسمع منه شكرا مااحس اللي اسويه يعلق عليه
نحن ايام المدارس الابلات يشجعوناآ بكلام حلو عشان نحن نقدم اللي عندنا ولو ماحصلنا حافز شي طبيعي الوحد يفتر ومايقدم اللي عنده ولو عنده اللي يقدمه وماحصل تشجيع شي طبيعي انه بيحتفظ له بنفسه ساعدوني كيف اآخليه يقول كلام حلو ويعلق على لبسي ويقولي شكرا للهدايا .,,احسه اخوي مب زوجي .. علاقتي بردت من صوبه بررررررررررردت بس يحبني بس شهالحل مع الريل الصاآمت؟؟؟؟؟احيانا افكر واقول لو ماخذه مغازلجي ابرك استغفر الله مااقدر اتحمل بصير بارده وانا انفجرت بويهه ولا ينفع اقوله اني احب تقولي كذا وتزقرني بكذا بس اذن من طين واآذن من عجين

للاسف ان محد مرتاح .. المغازلجي ما يقول كلام حلو لحرمته .. بس يقوله للي برع .. لا اتمين اتقارنين .. دام انج متاكده انه يحبج .. ما يهم الباقي .. في اشياء اكبر من جي في الحياه الزوجيه

امين يارب مابى فلوس ولا شي بس ابى كلام يحسسني اني مرغوبه انا ماصبرت سنين على الحرام عشان مااحصل رمسه حلوه توي طرشت له مسج كتبت له افتقدتك وايد
مع ابتسامه ولاحس ولاخبر كالعاده لا رد الله لا ييب الشيطان في طريجي
ومشكوره على الدعوه الطيبه

فديتج طنشي

وايد رياييل جي

دامه زين وياج و يحبج خلاص لان ف منهم ما يعرفون يعبرون

بس لا تنسين من فترة لين فترة طرشي له مسج ع الموبايل .. طرشي له وردة حمراء … طرشي له رسالة مكتوووبة بخط ايدج …

طبعا لا تكثرين من هاي الامور .. وان شاء الله يحس فيج

طنشيه لا اتسوين له سالفه بس هالفتره وشوفيه بيفتقدج وعقبها بيصطلب ,,