بنـات انا تعبت طفـرت خـلااص احس بنفجر قلبي تعب من كثر ما احط فيه ابااا حل ابا ارتاااح.. مشكلتي يووم بتسمعونها بتقوولوون معقووله في ناس بهالعقليه لين الحين
معقووووله في نااااس متخلفيين جي !! معقووله ومعقووله!!!!!!!!!
قصتي طويله ويمكن اتملوون وانتو تقرونها بس شو اسووي انا مالي غيركم ابا حل ابا تحكموون بنفسكم اذا انا صح ولا غلط..
انا عمري 21 سنه ابوي منفصل عن امي من فتره طووييله من يووم كان عمري 4 سنواات.. كنا عايشين مع ابووي وزوجته في بيت وااحد,مقسم بينا وبين زوجته.. بعدها بفتره قررت الوالده انه تطلع من البيت من هالوقت وبدت المشاااكل .. ما اعرف اذا امي غلطت في هالقرار ولا لا .. بس من حقها انها تطلع من البيت لانها مطلقه يعني ما يستووي اتعيش مع ابووي في بيت وااحد.. بس من يوومها سمحت لاخوااااني انهم يدخلوون فينا من يومها وانا اعاااني من اخوواني اللي ما يعيبهم اي شي وكل شي غلط عندهم .. احتلوو مكان الوالد كل حد يفرض رااايه.. تتخيلوون انه كل وااحد يفرض راايه وانتي لازم اتنفذين وساعات راي كل وااحد غير عن الثااني ويا ويلج اذا ما سويتي اللي يبوونه واايد عانيت منهم واايد ظلمووني من يووم كنت صغيره فقدت شي اسمه اماان.. المشكله انا ما غلطت والله ما غلطت كنت ابا اعرف شوو سوويت عشان انضرب .. كنت اعاني منهم تعبت كنت افكر متى برتااح منهم خلصت الثانويه العامه ويا وقت التسجيل للكليه … ما طاعوو يخلووني ادرس قالوو الكليه كلها خياااس ..يبوون يحرمووني من الدرااسه يبوون يحبسوووني في البيت لجأت لبووي ودخلت الكليه وغصبن عنهم بس كانت اتعس سنه اعيشها في الكليه كل يووم مشكله من اخوواني عشان ما اكمل في هالمكاان تعبت كل يووم اصيح كل يووم بان التعب في ويهي نزلت وضعفت وااايد كل حد لاااحظ بس انا ساااكته ما ارمس كاتمه في داخلي.. وفي الاجازه وياريتها ما يت هالاجاازه يوم انخطبت طبعا اي وحده بمثل حالتي سيده بتواافق.. المهم سالو عن الولد والكل مدح فيه فوافقة عقب ما صليت الاستخاره سبحان الله نصييب الوااحد ما يدري شو الله كاتب..ملجت وفي يووم الملجه حسيت بشي حسيت انه انساان مكار فيه خبث وخقااق على اي شي يرمس ابووي عنده وابووي عنده واكثر شي يقهر انه ولد امه كل شي يقوولها ويشاورها حتى في اشياااء عيب انه يرمس ابها المهم اكتشفت حقيقته وانه مش احسن عن اخوااني حاولت اصلحه حاولت اني اتاقلم معااه ما قدرت قلت له ما اباااك وقلت لهالي بس ما وقفوو معااي ما سوولي سالفه اللي قال وين بنيبلج فلووس واللي قال بيعتدل واللي قال هذي اطبااع الريال المهم استوو العرس وطلع شكي في مكانه ما برمس شوو استوى بيني وبينه لانه موضووع واايد طويل واايد يجرح المهم انفصلت عنه بعد عذاااب وصيااح ونواااح .. بس الحمدلله ما شي عياال احمد ربي على هالشي ..
بعدها بفتره ما يقارب سنه فكرت اني اشتغل ووقدمت في كل مكاان وسوويت مقابلاات بس اخواني ما كانو يدرون المهم حصلت وظيفه وقبلووني وبعدها قلت للوالده اتفهمهم بس بدوون فاايده ما طااعوو قالوو لالالالالالا ما تشتغل مطلقه وتشتغل نحن حتى لو بنت ما بتشتغل مطلقه!!! المهم اشتغلت غصبا عنهم ورحت عن ابوي وكان ابووي معااي قالي لا تسمعين كلاامهم اشتغلي بس انا كنت خايفه لانه اخوواني هددوني انه ايوني الدوااام ويبهدلوني المهم طلعت من الدوام وانا متغصصه بمووت حسره حراام عليهم ليش جي يسوون … وخذت الليسن وهم ما يدروون وسوولي مشكله ليش جي حرااام عليهم والله انا مطلقه والمفروض شووري بيدي بس انا احترااما لامي وابووي ولاني مربااايه كنت اشااورهم في كل شي ابوووي وامي عااايشين ليش هم جي يسوون ابووي مسؤوول عني المفرووض مالهم خص انا تعبت ابا حل اخووي يقووول لوو حتى بداااومين في مسيد ماشي شوو اسووي قوولولي شو الحل برااااايكم ساعدووني ارجوووكم… اداااوم ولا اتم طوول عمري جي محبوووسه ؟؟؟؟!!!!! على فكره اخوااني جداام الناااس ما شي احسن منهم والكل يمدح فيهم بس تطبيق في البيت ما شي حتى الوالده ما يحترموونها والله انه امي مفتقده كل يووم اتصيح ليش جي عيالها ما يحترموونها شو الحل يا خواتي؟؟؟!!
والمشكله عمرج بس 21 يعني الحياه جدامج
شو امطلقه شو هالتفكير<<استغفر الله العظيم
لو أهلي جيه يسووبي مادري شو بسوي
بس الله يعينج عزيزتـي
وحاولي ادخلين أبوج في السالفه برمسهم أو أي حد المهم تحطين نهاية للموضوع
وان شاء الله الله يفرجّها عليج و اييج ولد الحلال ينسيج الدنيا ومافيها
ماعليج ادعي ربج يسخر هلج عليج وقومي الليل
واقري كتاب الله واشكيله حالج
هو الأعلم بالحال وهو المفرج عن الكرب والهموم
و ادعي و استغفري ان الله يهديهم لج و للوالده و يسخرهم لكم
و حاولي تتقربين لواحد منهم و تكونين قريبه منه اخدميه سولفي معاه الى ان تكسبين ثقته و تحاولين تقوليله وجهه نظرج و رايج !
يا رب إن شاء الله يفرج كربتج ويرزقج بالزوج الصالح البار ويفكج من هذا الجحيم
هالعقليات للحين موجودة
الام والابو بعدهم نفسهم بالدنيا والاخوان يتحكمون لكن من يعرسون خلالاص ولا يخصهم في الاخت الا بفرض الاوامر
تغطي بسج طلعات ما شي دوام مختلط ماشي ما شي ماشي
شو الحل ؟؟؟؟؟
هذي حالة ناس قريبين علي
الله يعينكم
ما في غير حل من الاثنين
1- تسيرين تسكنين عند ابوج ———- هذا حل صعب ما تقدرين تفارقين الوالدة
2- وهو الاهم في كل الاحوال
الجأي لربج
صلي قيام وادعيه من كل قلبج انه يحنن قلب اخوانج عليج
اطلبي من ربج لان محد بيسمعج وبيحس فيج غيره
داومي ع الاستغفار والقيام
والله ييسر لج الخير
اختج- ام عبدالله
ان الله مع الصابرثين
وصدقيني الدنيا امتحان و الشاطر اللي يحمد ربه في السراء و الضراء
انتي ما بأيدج شي
غير انج تطلبين ربج الهداية لهم
و ما بعد العسر الا اليسر
و الله يصبرج
احمدي ربج انه في ناس واقفين بصفج الي هم اهم ناس ابوج وامج الله يخليهم لج
وان شاءالله كل شي بيتعدل واتاكدي انه دوام الحال من المحال
ما في شي بيتم على حاله وحالج بيتغير وان شاءالله للاحسن