شو الحل أخلي البيبي مع الشغاله و اروح الدوام ؟!

هلا بنات

انا وايد أحاتي هالموضوع

انا موظفه و قريب بولد و مثل ماعارفين اجازة الأمومه شهرين بس

انا ما عندي شغاله و ناويه أييب وحده الحين

بس افكر عقب ما يعدن الشهرين و برجع لدوام كيف أأمن على البيبي مع شغاله الله أعلم شو ممكن تسوي بغيابي

شو نصايحكن خاصه ان اهلي و اهل ريلي في اماره ثانيه و انا بروحي هني

شو احسن جنسيه للخادمات ؟
و هل أشلها مع البيبي و احطهن في حضانه ؟

هلا الغاليه

انا من اشد المعارضين لموضوع الخدامه …. يعني انا لو مكانج … بيلس في البيت مع البيبي… لان البيبي اول فتره يتعود على اللي يشله ويأكله ويربيه…. وانا ما اتخيل ولدي يصيح او ما يباني يوم اشله والسبب انه تعود على البشكاره…

وهذا رأيي … والسموحه

لا لا لا أنا أرفض لو شو يصير و بالفعل تركت دوامي بسبب الإولاد

لا اختي لا تسوين جيه حرام هذا بعده لحمه لينه ماتدرين شو بتسوي فيه وديه حضانه احسن من يلسته وياها بس احس بعد الحضانه كلها امراض واذا تقدرين تستقيلين الشغل وتفرغين للبيبي وبيتج وريلج بتسوين عييييييييييييييين العقل

ماعرف اختي الصراحة بس يمكن انتي محتاجة الدوام حاجة ماسة ف يمكن تقدرين تودين الياهل مع الخدامة الى الحضانة ,,, و الشرط ان الحضانه تكون المسؤوله فيها يعني المربية الي تشوف الاطفال تكون وحده زينه مسلمه ( يعني جنسيه عربيه ) و تخاف ربها و تهتم في اليهال .. طبعا اذا كنتي في امارة دبي من احسن الحضانات في جميرا بتلقين … طبعا هذا اذا كنتي تمرين بظروف غير طبيعيه و مظطره انج تداومين ..

ف غير هذا تهتمين بطفلج انتي بنفسج احسن ^^

والله يوفقج حبوبه

أنا نفسج أحاتي
عندي عمتيهـ فالبيت بس كبيرة في العمر
ممكن تراقب لي الخدامة
بس أفكر أشل البيبي و الخدامة الحضانة عندي في الدوام
على الأقل كل شوي أشيك على البيبي و الخدامة
جربي شليهم معاج يمكن تكونين مرتاحة أكثر