شحالكن بنيات..؟؟ والله اني ترددت قبل لا اكتب هالموضوع لاني منحرجة واااايد.. بس عقب ما يأست من الحل قلت مالي الا خواتي.. السالفه وما فيها اني عمري ما شليت بالحلاوة وهي مشكلة عمري وبسببها وااااايد متوهقه بشكل ما تتصورونه.. ولان عرسي بالصيف قلت يلا يا بنت لازم تتعودين على الحلاوة فاشترت لي حلاوة من وحده من التاجرات وشليت بها جزء من يدي ومشى الحال بس يوم ييت اشل صوب باطي الصراحه اول مرة كان وااايد يعور وما شل غير شعرة ثنتين وكان الشعر هنيه شوي طويل عسب جييه قلت يمن هو سبب هالعوار الوايد .. وصدق تضايجت عقب شليت بكريم فيت ع فكره قبل كنت اشل بالموس *_* انزين طبعا الكريم ما يشل الشعر كامل فبقن شعرات صغار فحاولت اشل بالحلاوة ما انشلن بعد كرهت عمري ترييت اسبوع ورديت اشل نفس الحالة الحلاوة ما تشل واحسها تذوب بسرعه.. ما اعرف هل السبب ان الشعر صغير فالحلاوة ما تشله ولا بسبب ان الحلاوة تذوب بسرعه.. هي مب الحلاوة العاديه اللي مال الجمعيات لاني عمري ما جربته احسه واايد يعور اكثر عن هاي الحلاوة.. المهم عقب طرشت رساله حق التاجرة اقولها كيف اشل شعر الباط بالحلاوة وما قصرت خبرتني بس بعد ما شي فااايدة.. وطرشت حق غيرها وكلهن قالوا لي نفس الطريقة اللي هيه احط الحلاوة فاتجاه نمو الشعر واشلها بعكس اتجاه الشعر.. وسويت مررره ما شي فايدة.. بنات يعني ما شي طريقة غير الحلاوة تشل الشعر كامل ولا تخلي ولا شعره.. الموس صح انه هب زين اشل به صوب الباط بس اضطريت لانه ما يعور بس شرات ما تعرفون ما يشكل كل الشعر ويرد الشعر بسرعه.. والكريم استخدمته ونفس الشي..الليزر افكر عقب ما اعرس اسويه الحين ما اقدر >_<…. الحلاوة ما تنفع لي مع انها احسن الحلول شو اسوي..؟ والله تعبت.. يعني ما شي الا اننا نشل بالحلاوة ما شي طريقة ثانيه تشل الشعر كامل وياخر نموه.. دخييييييييلكن بناات سااعدوني.. مالي غيركن خواتي يساعدني في هاي السالفه.. وانا والله منحرجة واايد.. بلييز لا تقولون لي ما شي احسن عن الحلاوة.. انزين شو اسوي..؟؟ بليييييييز سااااعدوني ويزاكم الله خير وربي يحقق لكم اللي فبالكم ياااا رب اميييييييييييييييييين ..
اختي انا نفس الحالة …كنت بنزل موضوع جي
بس يزاج الله خير .. نزلتيه بدالي ^ـ^
انا منطقة الباط أشلها بالموس لأنه أسرع
ومشكلتي اني ما أستخدم الحلاوة فـ هالمنطقة .. لأنها تعور
معـ انها تخلي المنطقة نظيفة وبيضة
بس ما أقدر .. مرة جربت
وانشل جزء منه .. وما قدرت أشل الباقي
بس الجزء اللي نشل بالحلاوة ,, تم وايد لين ما ظهر وكان مكانه نظيف وفاتح
المهم :
ماعلينا من هالقصة كلها
اذا انتي ما بغيتي تسوين ليزر ألحين
يا انج تراجعين دكتورة خاصة بهـ الأشيا ويا كثرهن
أو انج تستخدمين جهاز الواكس
أكثر شي ريحني فـ نزع الشعر هذا الجهاز
هو عبارة عن شمع تحطينه فـ علبة وتشغلين الكهربا عليه
لين ما يسخن ويذوب
وبعدها تسمحين به المنطقة اللي تبينها
ويكون معاه …قطع شاش قوية
تحطينها فوق المنطقة اللي مسحتي فيها الشمع …وتشلينها مثل الحلاوة تقريبا
بس هاي أسرع
وما تعور وايد
صدق صدق اني يوم استخدمتها ريحتني
سرعة ونظافة مثل الحلاوة
وهذا رايي ياختي ^ـ^
والسموحة عالاطالة
انا استخدم المكينه مب الحلاوة لا الحلاوة نفس ماقلتي تسيح و من كثر ما تعيدين الجلد يحمر .. والمكينة في البداية بتعورج بس بعدين بتتعودين ومابيعورج النتف .. المهم خلي الشغلة اسبوعيه حتى لو انه ما ينبان بس احسن ومابتحسين بالويع ابدا
يخفف ألم شيل المنطقه بالحلاووه
انا الحلاوه تلعوزني وتذوب عندي ماخليت اي نوع طفشتني
والباط مايستوي بالموس غلط لازم نتف اشياء تضرج
اختي انا جربت ميكنه براون الورديه وايد زينه
نظافة وراحه اول شي تقولين تعور بس من تتعودين عليها ترتاحين
وتشل الصغير والكبير .. كل حد حسب الي يرتاح له
انا ماقلت بستعملها من جربيتها ارتحت
واللي يعرف زوود يرد عسب استفيد وغيري يستفيد بعد
المهرة وين احصله هالواكس ..؟؟
الليزر افضل حل
كمن جلسة وانتيوالخير رباعه
لا تأجلين لين بعد العرس مادام هذا حالج
بيجز الريال شعر باطج دامج ما ترومين ع الحلاوة
والحل الثاني ان تخلين حد يسوي لج
اختج او الصالون
اسرع واسهل