شو الصح نخلي الياهل يلعب باي شي ولا انازعه

السلام عليكم

عتدي سؤال شو الصح في تربيه اليهال
انا عندي ولد عمره عقب شهر بستوي سنتين هو وايد مشاغب وفوضوي ما يخلي شي في البيت ما يخربه ويفتح المتبت ويفضيهم
المهم انا اعصب عليه وماا اخليه وعقب ما ارتب اعصب اعصب عليه عشان لا يخرب

خد يقلي اضربيه عشان ايوز عن تخريبه وحد يقلي خليه يخرب ويسوي الي يبا وما تنازعيته باجر بيكبر بستوي هادي

انتو شو رايكم

أنـــآ من النوع اللي أقرأ وايد كتب واتـــآبع برامج تلفزيونية عن الاطفال
اول نصيحه اقولهــآ لج .. يوم تشوفينه يسوي الغلط روحي عنده وايلسي بمستواااه .. >> مهم انج تكونين بمستواه
وتحطينه في مكاااااان يسمونه مكان العقاب او زاويه العقااااب .. او تحرمينه من اللعب او اي شي متعلق فيه ..
اوكي ..
انصحج تكون فترة عقابه مدة 3 دقايق او 5 ..

يوم بيخلص فترة عقابه توجهي صوبه وقوليله تعرف ليش اناااا عاقبتك ؟؟
اذا قال شو الغلط .. قوليله هي هذا هو الغلط ومرة ثانيه لا تعيده ..
اما اذا قال لا ما اعرف الغلط .. فهمييييه شو الغلط << لازم اذا عاقبتيه يعرف شو الغلط
لان اليهاااااال ما يعرفون و الصح وشو الغلط .. ^^

اتمنى فهمتي عليه فديتج ^^

نفس كلام اختنا غرنوقة M
والله يخلي لج ولدج و يحفظه

مشكورات خواتي على الاهتمام بالرد والافاده
بس المشكله احسه يوم ارمسه ما يفهم كله وانا ارمسه يقلي ليش ليش يوم ارمسه يتم ساكت عقب يضحك ويرد يكمل تخريب مع انه في البيت يقلدني بكل شي يمسك المكنسه يكنس هو الي يشغل الغساله يوم احط ملابس ويوم نشتري سامان البيت يعرف كل شي وين مكانه في اي كبت يعني لما اجوفه يتصرف جي اقول يفهم بس يوم ارمسه احسه مول مايفهم

والشي الثاني نسيت اسال هل غلط اخليه يلعب على كيفه بالحوش لانه حد يقلي غلط اتخليه يلعب وحد يقلي خليه يطلع طاقته

والسموحه على الاطاله