شحالكن خواتي عساكن بخير وسهاله ، وأنا قاعده أقرا المواضيع ياني سؤال فراسي قلت بسألكم
الموضوع عن ( خيال ) لكن حاولي قد قد قد ماتقدرين انج تحسين انه هشي واقعي وكيف راح تتصرفين كطبيعتج أنتي ،
يا ريلج ألين عندج ( ريلج ماكان مقصر معاج بشي وجيبج وجيبه واحد ومايهون زعلج عنده ويكسر خشم اللي يضايقبج ودومه عطوف وحنون معاج )
قالج يافلانه تراني عالحديد ( أفتقرت ) وأنا مكسور ماقدر أطلب من حد ولا أقدر أخليج تشتغلين عشان تساعديني ومصروفج راح يكون 1000 أو اقل بوايد كل شهر ويمكن مايكون عندي عشان اعطيج
والسكن اللي نحن فيه بنطلع منه لاني ماعندي ادفع
وراح سكنج فبيت تحسين انه مب بيته تحسين انه غرفه متر في متر وانتي وعيالج وهو فهالمكان وهالمكان ابددددد مايتشاهد ووضعه ابدا ماراح يقدر يعدله مثل قبل
بتطلقين منه وله بتمين على ذمته لكن بتروحين بيت اهلج وله شو بسوين بالضبط ؟؟!
الحرمة اذا ما وقفت ويا ريلها في الشده متي توقف معاه
واهم شي احاول اسعده واسد اذني عن كلام الناس الي لا يودي ولا اييب
من اول بداية حياتنا الزوجيه
اكيد بوافق ولا بتكلم ولا بتنكد
ع الحال صح شي يضايق بس بعد
لازم اوافق على هالشي
واعيش الحلوه والمره وياه
انا وكل عيالي في غرفه وحده وما كان يعطيني درهم واحد لانه امه وبوه توفوا وهو كان متسلف علشان علاجهم وخلاف علشان العزا وكملت سنتين ما يعطيني ولا شي ولا اشتري شي وعادي مثل العسل على قلبي يكفيني وجوده هو وعياله بخير وعافيه عندي
لو إن شاء الله مصروفي 20 درهم في الشهر
و بحاول أساعده باللي أقدر عليه و ما أكلف عليه
و إذا عندي ذهب بعطيه إياه يبيعه و مابخليه يمد إيده حق أحد
اذا كان بهالصفاااااااات
يستاهل اعطييه عيوني مب اصبر عشانه