شو تسوون في الاربعين للياهل

السلام عليكم خواتي
الموضوع من متى في بالي وابي انزله
ابي اسال في الاربعين شو تسوون للياهل عساس تحصنونه من العين
امي تحط مصحف كامل ملح وسكين في المنز وكل يوم تشغل سورة البقرة

وحده تقول لي منربيعاتي انهم يحطون نيل ازرق على يبهة الياهل عن الحسد
عالعموم هذي عادات وتقاليد وحلو ان نعرف عن باقي العادات
يالله ابي مشاركاتكم خواتي

هلا الغاليه انا ولديه جريب طلعت من الاربعين لاحطيت ملح و لاسكين ولاشياته توكلي ع ربج وحطي مصحف عند راسه هب تحت راسه وثانيا شغلي سورة البقره وخصوصا وقت المغرب لي الصبح وقري عليه المعوذات ف اي وقت واذا حد زاركم معليج الا ادخنينه بالشبه ولبان وماعليه شر انشاء الله

ليش ملح وليش سجين <<< هذا شرك بالله الغالية

هالاشيا ماترد العين ،،، وحتى المصحف بدون قرايه ما يرد العين

عليج كل يوم الصبح والمسا ،، اقري الاورااد،، واذكار الصباح والمساء

ويعني ،،، حاولي ما اطلعينه وايد جدام الناس وبالاخص ،، وقت ما يشرب حليب وهيييييييك

اما الملح ما يرد العين (كلها اعراف وعادات ما لها اي صحه) لو امهاتنا ما تعلموا ،، ترانا نحن الحين دارسين وفاهمين ونعرف ،،، هالاشيا ما وردت عن رسولنا ،، فكيف نحن نسويه

خلاص الاذكار هيه ترد العين وتحفظ من السحر والمس

الله يحفظهم ويبارج فيهم

شو هالمعتقدات (ملح وسكين)

عن نفسي كل يوم اشغل اللاب توب على اذكر الصباح والمساء .. وقران ..

واقرأ الرقية الشرعيه .. وحاطه مصحف عدال راسها ..

وطبعا الله الحافظ ..

يزاكم الله خير خواتي

عنا مانحط الا قرااان عند راسه والله يحفضهم من كل شر