كل وحدة منا أكيد عندها خطوات تسويها قبل النوم تساعدها في الحصول على بشرة ناعمة و موحدة و مشرقة.. و تخليها أنثى بمعنى الكلمة ..
هالاشياء احتفظ فيها في الدرج على جنب السرير و استخدمها قبل النوم بدقايق
قبل لا أنام طبعا اكون خذت شاور و حطيت كريم و زيت للجسم عشان لما أنام حرارة جسمي تفتح المسام و الجلد يتشرب الكريم و الزيت .. و البس بيجامة قطنية لما يكون زوجي مسافر .. اما الايام العادية لما يكون موجود ..
بعد ما احط الكريم و الزيت و البس الروب فترة 20 دقيقة تقريبا عشان
أتخلص من الزيت الزائد و أساعد بشرتي انها تتشرب الكريم بسرعة ( قبل
ما يرجع حبيبي)
.. بعدين البس بيجامة حرير او قميص نوم قصير
..لما اكون لابسة الروب احط سيروم و كريم الليل للوجه و العيون و اتكحل و اكون نظفت اسناني بالخيط و فرشاة الأسنان .. و تعطرت و سرحت و دخنت شعري و حطيت له مخمرية ..و حطيت ملمع او مرطب الشفايف..
هالخطوات طبعا تسوونها قبل لا تستقبلون الزوج الحبيب و يكون
الاسقبال بحفاوة خخخخ 
… المهم ما علينا خخخخ ندخل في
صلب الموضوع …
لما ايي أنام اسوي هالخطوات ..
1) احط عود الاذن في زيت خروع و امسح على خط الرومش العلوية و السفلية و على الحواجب بعد اذا حابة تكثفينها .. ( نحتاج مراية صغيرة و علبة صغيرة فيها شوية زيت خروع و علبة أعواد الاذن).
2) احط زيت زيتون (و يكون في علبة صغيرة ) على أظافري او زيت خاص بتقوية الأظافر و هو في نفس الوقت يلين الجلد اللي حول اظافري و يخليها صحية ..
3) احط كريم ثقيل لليدين .. و امسجهم .. و البس القفاز القطني من بودي شوب بس قبل لا البس القفاز اكون خلصت باقي الخطوات ..
4) احط فازلين على الأكواع و الركب
5) احط سودو كريم او خلطة تبييض طبيعية بين الفخوذ و للمنطقة الحساسة و المؤخرة ( ممكن نسوي هالخطوة اول شي و نغسل ايدينا و عقب نكمل باقي الخطوات لان سودو كريم ثقيل شوية و ما يروح من اليد بسرعة)
6) احط خلطة كريم القدمين مع فازلين للأرجل و البس الجوارب القطنية من بودي شوب.
بهذا اكون خلصت كل الخطوات و لما اقوم من النوم تكون بشرتي ناعمة من راسي لرجولي .. اتمنى تعجبكم الخطوات و تستفيدون منها ..
و نوم العوافي يا حلوات
عاد أنا اسوي هالخطوات أو نصهن تقريبا إذا كنت فاضيه و عندي وقت قبل النوم
بس إذا مدوخه و اقول وينك يا فراشي،، حدي اتسبح و افرك جسمي لوشن او كريم
و احطي كريم على ويهي ، و اتكحل بأثمد ، ومرطب الشفايف
و صلى الله و باارك
هههههههههههه
طبعا في طقوس خاصة للزوج مرة على مرة بس تبقى سرررررررررر حبيباتي
وعن نفسي احط بيبي جونسون ع كامل جسمي او احيانا اتعايز واحط مرطب ديرموفيفا ع ايديني وريولي وويهي احطله الكريم الليلي من بوندس الي بذرات الذهب وحط مرطب للشفايف
واذا تفيجت سويت لبين الفخوذ والريول ووو ..
وطبعا اكون غاسله اسناني ومسويه خيط ..
وماسحه ويهي عن اي ميكب اذا كنت حاطه
واسوي غسول للوجه..
هذا عقب ما اسبح..
وعقب على السرير والكريمات اللي ذكرتها قبل 
وهييييك