شو ذنبي اني كنت مالجه واطلقت؟

وبعد سمعت من ام حرمة اخوي ان في ناس يبوني وجي انا استانست وام حرمة اخوي عطتهم رقم بيتنا بس للاسف رقم بيتنا مقطوع >< .. وعقب اسبوع استوا عرس اخوي وهم يو العرس وشافوني
ومر على العرس 3 اسابيع وللحين ما يو ولا اتكلمو ولا شي >> شكلهم هونو =( .. مع ان الكل يقول عني حلوه وطيبه بس مدري ليش جي حظي

المهم السالفه الي صدق ضايجتني صدددددددق صارت امس اخوي قالي انه يايب لاخت حرمته خطيب
قلت له منو ؟ قال هذاك الي رمستج عنه قبل رمضان .. قلت له ليش هو ما يبغيني ؟
اخوي سكت وانا حسيت بضييج شوي مب لاني غرت من اخت حرمة اخوي لا بس ليش ما بغاني انا ؟
واخت حرمة اخوي صغيره توها 19 والريال بعمري انا

المهم وفالليل قلت لحرمة اخوي وانا اضحك سمعت اختج انخطبت قالت هيه اخوج يايب المعرس
وكانت تبا تقول شي وسكتت تميت احن عليها جان تقول هو ما بغاج لانج كنتي مالجه ومطلقه ..

اقولكم اهني جنه حد ضربني بسجين فقلبي بس ما بينت سويت عمري عادي واضحك
وبيوون هاليمعه يشووفون اخت حرمة اخوي

الله يسعدها ويهنيها لو كان من نصيبها انا ما اغار منها بالعكس انا وايد احبها وهي مثل اختي واتمنالها الخيير

بس صدق احس بضيييج ليش محد يباني شو ذنبي اني كنت مالجه؟
ياما بنات مطلقات وعندهم عيال ويعرسوون

انا خاطري اعرس ويكون عندي عياال والله ملييت لا شغل ولا دراسه ولا شي ولا اخت اسولف معاها فالبيت >> عندي اخت وحده معرسه وهي اصغر عني ب 5 سنوات