شو رايكم ادخله المدرسه ولا توه الناس؟؟؟؟؟؟؟؟؟؟؟

السلام عليكم ^_^
اول مره اكتب مضووع في ها القسم

وان شاء الله اتفيدوني خاصه المعلمات

ولدي توه امكمل ال 3 سنوات
وعلى السنه اليايه لازم يدخل الكي جي
بس والله متردهه
احسه بعده نونو

شو رايكم انتوا؟
ادخله ولا اتريا عليه لين السنه الي عقبها؟

حبيبتى نفس الحكايه 3 مرات اسير المدرسه واشوف الفصول والمعلمات واهون اشوف 3سنين صغير على انه يعتمد على نفسه ….المشكله فى من عمره فى كيجي بس انا وايد خايفه

عادي حبيبتي اذا الولد متقبل فكرة الروضة ..عادي تراه في يهال في عمره ..بنتي العودة دخلتها الكجي وعمرها 3 سنين وشهرين بس ..وداومت عادي ..ولدي بعد سجلته الكيجي …ولا طاع يروح ..وهونت قلت السنة الياية بوديه الكجي…2..الله يعينا بس

لا حرام عليج بعده صغيروني

لاحق على المدرسه والروضه

ولا تنسين ان الحين الروضه بعد لهم واجبات وحشره

نصيحة خلية في البيت لان المناهج وايد صعبة الحين بيسير لج اول ابتدائي
وبيتعبج منهجهم طفاسة خاصة اذا طبقوا مدارس الغد بعده صغير خلية يستانس بطفولته
لاحق على الدراسة وعوار الراس والسموحه اختي::

والله على حسب يا اختي
اذا ناويه تدخلينه مدرسه خاصه, انصحج دخليه الحين لأنه على بداية المدارس راح يكون عمره 3 سنوات و نص تقريبا وايد زين عمره انه يتعلم.
اما اذا راح تدخلينه حكومه عادي مو شرط تسجلينه لأنهم اصلا ما اعتقد يعطونهم شي او يدرسونهم و يخلونهم يكتبون نفس الخاص

والله يوفقه يا اختي لا تحاتينه ان شاءالله

وانا بنتي توها مكمله ال3 سنوات و متردده ادخلها كي جي لانها صغيرة بس هي خاطرها تسير