شو رايكم بماليزيا

اول مره بسافر ع ماليزيا شهر 6 انشا الله انا والاهل بس وين نسيرتاريخ 28 – 6- تقريبا اسبوعين بنيلس شو الاماكن والمولات للتسوق وخاصه عندنا اطفال نبى اماكن لاطفال يستانسون وشو المولات عندهم للتسوق كثر ما اسمع عن تسوق عندهم ارجو اتريا رد منكن

والحمدالله الميزانيه اوكى عطونى اسماء الفنادق

نحن انفكر نسافر ماليزيا بعد ف هاشهر بس سمعناا حر وايد … شو الفايده نشرد من الحر وندخل حر ثاني ….

ولا انتوا شو رايكم ؟؟؟

حلوة ماليزيا حق اليهال لان وايد فعاليات وجي
سرنالها شهر 11 وكان الجو حلوو و دوم مطرررر … باختصار ما تهنينا في الروحه لان معظم مدن الالعاب مسكره و الحدايق .. بغرض السلامة ..

اما الفنادق فالحمدلله والشكر نسيت اسمائهن خخخ .. لكن اتذكر واحد الي هو فندق سن وي لاقون ……… وفندق لنكاوي (خذنا فله في وسط البحر ماعرف شو اسم الفندق عاده ) بس روووعة ورومانسسسي ع الاخير

بيننق مول ما حبيتها …؟!! احسها عاديه وكل الانشطه كانت فيها .. بس كلها باااايخه ابيخ شي

لنكاوي رومانسية وحلوة

بيننق … مملة

كوالالامبور …. حلوة تحسين كانج في امريكا خخ .. المدينة فيها حياة لين الفير

سن وي لاقون …. حبيتها من صمصومااات قلبي ^_^

اختي ماليزيا من الدول المش بارده اصلا بس دوم ماشاءالله عندهم مطر … وعندج الجزر جوها بارد
ومنطقه جتنغ هاي منطقه بين الغيوم مرتفعه وبارده جوها روعه وهي مدينه ألعاب للصغار والكبار وفيها فنادق وتروحينإا عن طريق السياره هذا اذا بتباتون بالمنطقه او بالتلفريك للزياره بنفس اليوم طبعا لاتفوتين المنظر الروعه من التلفريك والخضرا….

وعندج الحديقة المائيه فكوالامبور حلوه للعيال بعد..
في حديقة الفراشات ..
هاي المعلومات اللي تحضرني حاليا…

اخواتى ريلى ردن من اسبوعين الاخت الله يهديها وايد اتبالغ اتقول وايد حريوم سالت اخوات ريلي وايد استانسوكل شجعنى على ماليزيا وربيعاتى قالن صح حر بس مب شراتنا احن درجه الحراره عندنا توصل 44-48 فى الصيف عندهم الجو استوائي طول السنه وامطار وفى اماكن اسمع عنها بارده وغيوم وحتى يوم سرت مكاتب السياحه اكثر العوايل كلهن ع ماليزيا استغربت صراحه واتشجعت اكثر واتحمست ومشكورات ع يلي ردن