شو رايكم بماليزيا في شهر واحد؟؟؟؟

السلام عليكم

حبيت اسال شو ماليزيا في شهر واحد

من ناحيه كل شي الجو والسياحه يعني نروم ناخذ راحتنا في الطلعات ولا الجو مايساعد

وكم هي المسافة بين فندق Grand Millennium والبرجين التوأم

يعني لو بغينا نسير مشي كم بناخذ؟؟

وشو الاماكن الحلوة اللي في كولالمبور اللي نروم نسيرها

=)

وبعد شو احسن فندق بس يكون جريب من البرجين و شارع العرب؟

ماليزيا حلوه في كل الاوقات انا سرتلها العام في شهر واحد وجوها حلو

مشكوووورة حبوبه =)

انا هم بعد مسافره شهر واحد
بس سمعت ان الجو حار وجاف بهالشهر؟؟؟؟؟؟؟؟؟؟؟؟؟؟؟؟؟؟؟؟؟؟

حجزت بعد Grand Millennium اعتقد كلهم يقولون زين

see you

أول شي حبيبتي ماليزيا طول السنة جوها نفس الشي لأنها استوائية يعني ماتفرق اذا رحتي شهر واحد ولا رحتي شهر 8 لأن الجو سيم سيم (حلوة كلمة سيم سيم) وبالنسبة للفندق فأنا اعطيه 100% من كل النواحي وجريب من البرجين يعني تروحين مشي والفندق في شارع العرب واحلى شي ان حذاله مول كبييييير وجدام الفندق ستاربكس ..
اتوكلي على الله وسيري والله واااايد بتستانسين ولا تنسين تسيرين مصنع الشوكولا والشلالات والمعبد والكهف الموجود صوب المعبد

تروحون وتردون بالسلامة ان شاءالله =)