شو رايكم في السفر مع قروب من الأهل؟؟

هذا أول موضوع لي في هذا القسم واتمنى اني اشوف تفاعلكم

الحمدلله نحن دوم انسافر لاني احب السفر..الله يحفظ الوالد ويخليه غرس فينا حب السفر منذ الصغر حلوه هاذي الجملة ^_^
الموووهيم تزوجت الحمدلله وكونا اسرة تتكون من ثلاث اطفال الله يخليهم…ريلي ف البداية ما كان يحب السفر واايد بس انا شجعته والحمدلله الحين استوى مثلي لان مثل ما تعرفون للسفر 7 فوائد (ما عرف منهم غير وحده) ههه ..وزوجي ما شاء الله عليه يحب يثقف عمره في كل شي يحب يعرف كل صغيره وكبيرة
خلال سبع سنوات جربت السفر مع زوجي وعيالي وبعد جربت السفر مع أهلي وايضا جربت السفر مع أهل ريلي..ولكل رحلة كان فيها ايجابيات وسلبيات

اليوم حبيت اتناقش وياكم عن هاذي الاشياء…كل وحده تحكيلنا قصتها وتجربتها في السفر مع القروب؟؟
وان شاء الله اذا شفت تفاعلكم بحكيلكم تجربتي

يالله شدن الهمه وشغلن الذاكرة وخبرونا تجاربكم يا حلوات

عني صراحة ماحبيت أسافر مع أهل ريلي ما اخذت راحتي وصارت لنا مشاكل وكل واحد متضايق من الثاني وما طولنا في سفرتنا ورجعنا البيت بس عوضني زوجي برحلة بدون أهلة رحنا فرنسا وزرتا دزني لاند وكانت الرحلة واااااااااااايد حلوة

ومرة سافرنا مع أختة وزوجها وعيالهم كانت حلوة بس ما أخذت راحتي وااااااااااايد مثل يوم نكون بروحنا

السفر الجماعي وايد حلو ..تستوي احداث اكثر و اكشن اذا في يهال ههههه

هلا اختي بدر البدور…فعلا السفر مع اهل الزوج شوي ما فيه خصوصية بالنسبة للزوجه والعكس السفر مع اهل الزوجه ممكن يضايق الزوج…ويعتمد على نوعية العلاقة قبل السفر…يعني في ناس وهم ف البلاد متعودين ع الرحل ويا الأهل ف اعتقد ما شي مشكلة اذا سافرو مع بعض لانهم متعودين على اطباع بعض….بس في ناس ما ينشهون ويزعلون وايد فهذا يخرب كل شي…
مثل ما قال المثل ((اعرف صديجك في السفر)) خخخ

مرحبا براعية اللكزس

ياويلييييييي من اكشن اليهال يوم يزيد الزود ويعتفسون يعفسون الرحلة

كل سفره ولها طعمها

مع الزوج حلوه حت ببهاراتها ههههههههههه

مع الاهل واليهال والحشره بعد حلووه بكل مسؤولياتها

بس انا جربت وسافرت مع خواتي بدون اليهال كانت ماشاء الله سفره رووووعه لا ريايل ياكلون قلبج ولا يهال تحاتينهم في كل شي هههههههه يعني سفرة نقاهه

يا سلام عليج يا لورا هاذي السفره ولا بلالالاش
اكيد خذتي راحتج ف الشوبينج