اريد اقولكن عن موضوع صديقتي من شهر تقريبا مكلمتني عن موضوعها وتريدني اقوله لكن وتعطنها رايكن بصراحه لانها هيييه مسجله بنك نيم وما تريد احد يعرفها
الغاليه صديقتي مشكلتها هييه وخواتها ويا اهلها يعني امهن وابوهن واخوانها
الله يسلمكن هن صراحه نادر ما يطلعن من البيت ولو اطلعن ما يتاخرن وقتهن محسوب ع كل شىء مع انهن ما في يوم اغلطن ولا احد قال شىء عنهن
صادف من شهر عرس بنت خالهم وتخيلن تقولي قامن يحسبن يوم بيومه عشان بس يطلعن بكامل اناقتهن وزينتهن لانه اول وحده تعرس في عائلتهن بنت خالهن وكانت فرصتهن انهن يتعرفن ع الناس وع البنات
في هذا اليوم عقب ما تمكيجن وهن بعدهن في الصالون قامو اخوانها يتصلون بهن ويسألونهن وين هن مع انهم يعرفون وين هن سارن ويعرفون انه عندهن مناسبه واكيد بيسيرن الصالون يتعدلن
المهم عقب ما ردن لقن البيت شاب نار من الزعيد والرمسات الي مالها داعي وكل حد يقولن شىء والي ما يريدهن يسيرن العرس وهن محطيات مكياج ع ويوهن وقالو لهن امسحن الي ع ويويهكن وعقب سيرن والي يقول لهن انتن بتفضحنا ومن هاي الرمسات الي تسد البدن
مع انهن هن ما يسون شىء غلط بس اخوانهن يفكرون فيهن هذا التفكير وألحين هي وخواتها ميتات قهر ويتمنن الموت ولا انهن يعيشن مذلولات ويا اهلن
تقول يشوفن الموت احرم لهن من الي يشوفنه
أريد اسألكن في ذمتكن حد ألحين ما يتكشخ ويتزين ولا ما يروح اعراس ؟؟؟
وشوو رايكن في أهلن؟؟؟
نسيت ما اقولكن تراااه امهن وأبوهن نفس اخوانهن
ودومهن يسمعن شىء من عندهم في كلامهم كله شك في شك وانهن بيسون مثل البنات الضايعات مع انهن هن قبل ما يسون شى يفكر الف مرة ويفكر في اهلن
بس تعبن من الشكوك والرمسات
هن ضايقات انه ما حد واقف وياهن لا ام ولا ابو وغير هذا اخوانهن مستقوين عليهن
كرهونهن عيشتهن
وان شاء الله ربي يسهل امورهم
يمكن الي اخوانها الشبااب يخافون من اشيااء اهم ادري بها انا ماعرف
وسبحان الله مهما كان بس مايوصل لهدرجه مايخلوهن يسون الي يبنه وفي عرس
الله يتسر عليهم ويهدي اهلهم
وقوليلها ان يدعوا بالهدايه لافراده العايله بدل القهر الي مامنه
نتيجه
ويشوفن النتيجه كيف بتصير
وتسلمين
حليلهم والله يعينهم
اخواني كانو جي يوم عرسو صار كل شي عادي
يكشخن و يتعدلن فالاعراس.. فهم يخافوا أن الناس تتكلم على خواتهم..
و ان شاء الله كل وحدة بييها نصيبها و بتستقر حياااااتها و خوانها ما يسوون جي الا لمصلحتهم و خوفهم عليهم لا
أكثر..صح أنهم متشددين بس هم يعرفون الناس و يعرفون عن شو يتكلمون..
و ترى فيه ناس ووووايد تفكر و تحاتي كلام الناس فيشددوا على أهلهم..الله يهدي الجميع ان شاء الله..