ومافهمت شو هو بالضبط …
ادخل كل محل اشتريت منه واطلب منهم فاتورة .. واقولهم :- اني ابا التاكس فري ويختمون ع الفاتورة وتكون فوق مبلغ معين .. ونفس الحاله ف كل محل ادخله .. ويوم انا مسافرة ف المطار اتخبر عن مكتب التاكس فري واروحلهم اودي الفواتير وهم يخلصون اجراءاتهم وعقبها يشيكون ع اغراضي ويعطوني المبلغ شيك؟؟؟
ورحله سعيده
بس الفواتير الي بيعطونج اياهن و الاستمارات عبيهن قبل ما تسيرين المطار .. يبون رقم الجواز و الاسم ..
و حطي الاغراض في شنطه وحده لنه مرات يطلبون منج انهم يشوفون شي من الاغراض ..
الله يعينج على الخط الطويل. . لوول مرات تتريين فوق ال3 ساعات عشان جي سيرو المطار قبل الطياره بمده طويله
هذي ضرايب ،، الي عايشين هناك لازم يدفعونها حق دولتهم بس احنا لانه بس سياح فنقدر ناخذ الضربية الي دفعناها ،، الأكل وثياب اليهال ما عليهن تاكس ،،
وخلي اخر كمن يوم حق التاكس يعني اتشري وخلصي لانه ساعات يصادف تشترين من المحل 4 او 5 مرات فكل مره بتسوين ورقة التاكس !! لاا !! اذا تعرفين عمرج خلاص ما بتردين تشترين منه خذي كل الفواتير وعطيهم وقوليلهم ابا اسوي التاكس وبيطلبون منج تاريخ السفر لا تعطيهم نفس اليوم بالضبط عطيهم عقب سفركم بأسبوع او اكثر اذكر واحد قالي بحطلج شهر عشان لو اجلتوا سفركم وصح اجلناه شهر ونص
لانه لو طاف التاريخ وعقب سرتي تستلمين ما بيعطونج ،،
هذي بعض الملاحظات الي بغيت اخبرج عنها ،،
ويوم بترتبين شنطتج حق الرده خلي وياج شنطه صغيره ،، لانه ساعات اذا شاريه شي غالي مثل ساعه او شنطه فوق ال10,000 مالنا يقولون نبا نجيك وينها او مثل وحده كانت شاريه طقم ألماس ،، فطلبوا انهم يشوفونه ،، عشان يعطونها التاكس ماله
وعلى حسب الي شارتنه انا تقريبا روحي حصلت 5000 درهم تقريبا من التاكس
واذا شاريه شي بالبطاقه يردولج فلووسج على البطاقه ما يعطونج اياهم كاش
فأنتي سيري قبل بساعتين اقل شي
والله يوفقج